قۇتقارۋشىلار ويىل اۋدانىنىڭ قاراتال اۋىلىندا تۇرعىنداردى ءقاۋىپسىز جەرگە كوشىرۋمەن اينالىستى.
جۇزدەگەن ادامدى مەكتەپ عيماراتىنا ەۆاكۋاسيالاسا، 120 تۇرعىندى اۋىل شەتىنە قونعان تىكۇشاققا جەتكىزۋگە كومەكتەستى، دەپ حابارلايدى Almaty-akshamy.kz 24.kz-كە سىلتەمە جاساپ.
قاجەتتى قۇرال-سايمانىمەن كەلگەن 20 قۇتقارۋشىعا وبلىس باسشىلىعى اتقارعان قىزمەتى ءۇشىن العىسىن جەتكىزدى. بۇل جاساق ەندى كورشىلەس باتىس قازاقستان وڭىرىندەگى سۋ تاسقىنىنا قارسى ءىس-شارالارعا قاتىسادى. ايتا كەتەيىك، بۇعان دەيىن ماڭعىستاۋلىق قۇتقارۋشىلار دا اقتوبە وبلىسىنا كومەككە كەلگەن ەدى.
«قاراتال اۋىلىندا ءبىزدىڭ جاساقپەن 126 ادام شىعارىلدى. سونىڭ 36-سى بالالار بولدى. ولاردى موتورلى قايىقپەن ءقاۋىپسىز ايماققا اكەپ تىكۇشاقتارعا وتىرعىزدى. ويىل اۋىلىنا جەتكىزىلدى. جۇمىستىڭ بارىسىندا قيىنداۋ بولعانى، اعىسى قاتتى سۋدىڭ كەلىپ جاتقانى. ءبىراق وعان قاراماستان قويىلعان جۇمىس اتقارىلدى»، - دەيدى رەسپۋبليكالىق جەدەل قۇتقارۋ جاساعىنىڭ باس قۇتقارۋشىسى ءادىلحان بالتاباي.