ولار قالادا زاڭسىز جۇرگەن.
بۇل جولى الماتىنىڭ كوشى-قون قىزمەتى نيگەريانىڭ 9 ازاماتىن اۋە كولىگىمەن تاسىمالداۋدى ۇيىمداستىردى، دەپ حابارلايدى Almaty-akshamy.kz
"بۇلار قازاقستاندا جۇرگەن كەزىندە كوشى-قون زاڭناماسىن بۇزعان، اتاپ ايتقاندا، زاڭنامادا بەلگىلەنگەن مەرزىمدە قازاقستان رەسپۋبليكاسىنىڭ اۋماعىنان شىقپاعان. بۇل ازاماتتار سوتتىڭ شەشىمىمەن مەملەكەتىمىزدەن شىعارىلعان بولاتىن. ايتا كەتەيىك، بۇل ءىس-شارا بىرنەشە كەزەڭنەن تۇرادى"، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
بۇعان دەيىن قازاقستان رەسپۋبليكاسىنىڭ كوشى-قون زاڭناماسىن بۇزعانى ءۇشىن ۇستالعان افريكا قۇرلىعى ەلدەرىنىڭ 19 ازاماتى ءوز ەلدەرىنە قايتارىلدى.