22-23 قاڭتاردا الماتى قالاسىندا جاۋعان قاردىڭ قالىڭدىعى 18 سم-گە جەتتى. وسىعان بايلانىستى كوممۋنالدىق قىزمەت قاردى كۇرەۋ مەن شىعارۋ جۇمىستارىن كەڭ اۋقىمدا ۇيىمداستىردى، دەپ حابارلايدى aqshamnews.kz كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
تۇنگى ۋاقىتتا قاردى شىعارۋ ءۇشىن 161 جۇك كولىگى جۇمىلدىرىلدى. قار جاۋعاننان بەرى 24 مىڭ تەكشە مەتر قار شىعارىلدى.
ءقاۋىپسىز قوزعالىستى قامتاماسىز ەتۋ جانە جولداردى تازارتۋ ماقساتىندا 442 ارنايى تەحنيكا، ونىڭ ىشىندە 175 تارتىلعان كولىك قولدانىلدى. 1280 جۇمىسشى جولداردى تازالاۋعا كىرىسسە، ونىڭ ىشىندە 257 ادامى قوسىمشا تارتىلعان.
سونىمەن قاتار، تروتۋارلاردى، قوعامدىق ورىنداردى، قوعامدىق كولىك ايالدامالارى مەن جەرۇستى وتكەلدەرىن مەحانيكالاندىرىلعان تازالاۋ جۇمىستارى جۇرگىزىلۋدە.
24 قاڭتار كۇندىزگى ۋاقىتتا 448 ارنايى تەحنيكا مەن 1192 جۇمىسشى جۇمىلدىرۋ جوسپارلانىپ وتىر.
«قازگيدرومەت» رمك بولجامىنشا 24 قاڭتاردا كۇن الابۇلتتى، جاۋىن-شاشىن كۇتىلمەيدى. كۇندىزگى اۋا تەمپەراتۋراسى -10…-12°س شاماسىندا بولادى.