قونايەۆ قالاسىنان اكادەميالىق قالاشىق قۇرۋ ماقساتىندا كەلەر جىلى الماتىداعى جوعارى وقۋ ورىندارىن كوشىرۋ باستالادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«پرەزيدەنت قونايەۆ قالاسىنان ۇلكەن اكادەميالىق قالاشىق اشۋ تۋرالى تاپسىرما بەردى. الماتى وبلىسىنىڭ اكىمدىگىمەن تۇجىرىمدامانى دايىندادىق. قالادان 97 گەكتار جەر ءبولىندى. ول جەر ارنايى يندۋستريالدىق-وندىرىستىك الاڭ بولادى. ەندى كەلەسى جىلى وسى 97 گەكتار جەرگە الماتىدان قالاعان جوعارى وقۋ ورىندارىن اقىرىنداپ كوشىرۋدى باستايمىز»، - دەپ جاۋاپ بەردى ساياسات نۇربەك ءتىلشى ساۋالىنا وراي.
ونىڭ سوزىنشە، وقۋ ورىندارىنا كوشۋ ءۇشىن ەكى جول ۇسىنىلادى. ۋنيۆەرسيتەتتەردىڭ قونايەۆ قالاسىنا كوشۋى ەرىكتى تۇردە جۇرگىزىلەدى.
«ءبىرىنشىسى – ءبىز جاتاقحانامەن جابدىقتاعاندا ستۋدەنتتەر سول قونايەۆتا تۇرىپ، ساباققا جەدەل ەلەكتر پويىزدارىمەن بارىپ، كەشكە قونايەۆقا سونىمەن قايتادى. ونى الماتى وبلىسىنىڭ اكىمدىگىمەن پىسىقتاپ جاتىرمىز. مۇنداي فورمات كوپ جەرلەردە بار نەگىزى. ەكىنشى – ەگەر الماتىعا مۇلدەم سىيماي جاتقان ۋنيۆەرسيتەت بولسا، ونىڭ قونايەۆتا ءوز كامپۋسىن اشۋىنا بولادى. بارلىعى ۋنيۆەرسيتەتتەردىڭ نيەتىنە بايلانىستى ەرىكتى تۇردە جۇرگىزىلەدى»، - دەپ تۇيىندەدى مينيستر.