ۇلكەن الماتى اينالما اۆتوجولىنىڭ ۇزىندىعى 66 شاقىرىم بولادى.
كومپانيانىڭ مالىمەتىنشە، بەكىتىلگەن كەستەگە سايكەس، ءۇاااج قۇرىلىسى 2024 جىلدىڭ اياعىندا اياقتالادى دەپ جوسپارلانعان، دەپ حابارلايدى Almaty-akshamy.kz.
تۇرىك-كورەي كونسورسيۋمى – «ءۇاااج ينۆەستيسيالار جانە وپەراسيالار» ج ش س الماتى تاسجولىنىڭ قۇرىلىسى اياقتالىپ، ۇلكەن الماتى اينالما اۆتوجولى (ءۇاااج) بويىنشا اۆتوموبيل قوزعالىسى قاشان اشىلاتىنىن حابارلادى.
«قۇرىلىس جۇمىستارىن مەرزىمىنەن بۇرىن اياقتاۋ جوسپاردا بار، ءبىراق بۇل ماسەلە جول جامىلعىسىنىڭ قۇرىلىسىندا ماڭىزدى ءرول اتقاراتىن اۋا رايى جاعدايىنا بايلانىستى. بۇگىندە جۇمىس 75 پايىزعا اياقتالعان. ءۇاااج قۇرىلىسى جۇمىستارى اياقتالعاننان كەيىن قوزعالىس اشىلادى»، - دەدى «ءۇاااج ينۆەستيسيالار جانە وپەراسيالار» وكىلدەرى.
ءۇاااج جوباسى اياسىندا الماتى-بىشكەك، الماتى-شامالعان، كومسومول-جاپەك باتىر، الماتى-قونايەۆ، الماتى-ەسىك، الماتى-تالعار اۆتوموبيل جولدارىمەن قيىلىستاردا ەكى دەڭگەيدەگى 6 جولايرىق جانە ءۇاااج-دىڭ الماتى-قاسكەلەڭ اۆتوجولىمەن (جاندوسوۆ كوشەسى) تۇيىسكەن جەرىندە ءبىر اينالما جول سالىنىپ جاتىر.
«كورسەتىلگەن جولايرىقتاردىڭ ىشىندە الماتى-قاسكەلەڭ اينالما جولىندا، سونداي-اق ەكى دەڭگەيلى ءۇش جولايرىقتا: الماتى-قونايەۆ، الماتى-ەسىك، الماتى-تالعار جولايرىعىندا اسفالتبەتون جابىنىن توسەۋ جۇمىستارى اياقتالدى. سونداي-اق، ەكى دەڭگەيلى ءۇش جولايرىقتا: الماتى-قونايەۆ، الماتى-ەسىك، الماتى-تالعار. قالعان ءۇش - الماتى-بىشكەك، الماتى-شامالعان، كومسومول-جاپەك باتىر جولايرىعىندا جول وتكەلدەرىن سالۋ جۇمىستارى تولىعىمەن اياقتالدى، ەندى جول وتپەلەرىن ۇيىمداستىرۋ جۇمىستارى جۇرگىزىلىپ جاتىر»، - دەپ قوستى باس مەردىگەر.