ولاردىڭ اراسىندا جاستىقتىڭ بۋىمەن نەمەسە جۇمىسسىزدىقتان ءارتۇرلى قىلمىسقا بارعاندار دا بار.
جازالى ادامداردى قوعامعا تولىققاندى پايدالى ادام ەتىپ قايتارۋدا پروباسيا قىزمەتكەرلەرى ءتۇرلى تاربيەلىك-پسيحولوگيالىق ءىس-شارالار وتكىزەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سولاردىڭ ءبىرى جۋىردا پسيحولوگ اسەم يسكاكوۆا وتكىزگەن سوتتالعاندارعا پسيحولوگيالىق كومەك كورسەتۋ ساباعى.
«سوتتالعاندارعا كورسەتىلەتىن پسيحولوگيالىق كومەكتىڭ ماڭىزى زور. ولاردى دۇرىس جولعا باعىتتاپ، ماماندىق الۋلارىنا جانە جۇمىسقا ورنالاسۋلارىنا ىقپال ەتۋ اياسىندا اتقارىلاتىن ءىس-شارالاردىڭ ءبىرى وسى پسيحولوگيالىق كومەك كورسەتۋ. سوتتالعان ادام ءوزىن ەشكىمگە كەرەگى جوق سياقتى سەزىنىپ، قوعامنان وقشاۋلانا باستايدى. وسىنداي تاعدىر تالكەگىنە تۇسكەندەردى پسيحولوگيالىق كومەك ارقىلى قايتادان ورتاعا تارتۋ، كوپشىلىكپەن ورتاق ءتىل تابىسۋعا كومەكتەسۋ قاجەت. پسيحولوگيالىق كومەكتىڭ ماقساتى – سوتتالعانداردى بۇگىنگى كۇننىڭ تالابىنا ساي كەلەتىن ىزدەنىستەرگە قىزىقتىرىپ، پاتريوتتىق جانە وتانشىلدىق سەزىمدەرىن ارتتىرۋ. سول ارقىلى ولاردىڭ قالىپتى ءومىر باستاۋلارىنا كومەكتەسۋ»، – دەيدى پسيحولوگ مامان ءا.يسكاكوۆا.
تۇركسىب اۋدانى پروباسيالىق باقىلاۋ قىزمەتى ۇيىمداستىرعان پسيحولوگيالىق كومەككە 50-دەن استام سوتتالعان قاتىسىپ، ءىس-شارا سوڭىندا سوتتالعاندار پسيحولوگ-مامانعا ءارتۇرلى سۇراقتار قويىپ، تۋىستارىمەن اراداعى قارىم-قاتىناستارىن دۇرىستاۋعا، ادال ەڭبەك ەتۋگە دەگەن قۇلشىنىستارىن ءبىلدىردى.