الماتىداعى تۇرعىن ءۇي كەشەندەرىنىڭ بىرىندە روكۋراتۋرانىڭ ۇيلەستىرۋىمەن ەسىرتكى قىلمىسىنا قارسى كۇرەس ءبولىمى مەن بوستاندىق اۋداندىق پوليسيا باسقارماسىنىڭ قىزمەتكەرلەرى ەكى ەر ادامدى ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
– كۇدىكتىلەردىڭ ءبىرىنىڭ ءۇيىن ءتىنتۋ بارىسىندا اق ۇنتاق زاتى بار 156 بايلام، ەسىرتكى ساتاتىن سايتقا ارنالعان QR كودى بار 5 مىڭ جارنامالىق جاپسىرما، ەلەكتروندى تارازى جانە قاسكويلەر ەسىرتكىنى بولشەك ساۋدادا ساتۋ ءۇشىن پايدالانعان باسقا دا قۇرال-جابدىقتار انىقتالدى جانە تاركىلەندى. سوت-حيميالىق ساراپتاماسىنىڭ قورىتىندىسىنا سايكەس تاركىلەنگەن اق ءتۇستى ۇنتاق زاتتار مەفەدرون پسيحوتروپتىق زاتى بولىپ شىقتى. بوستاندىق اۋداندىق پوليسيا باسقارماسى ەسىرتكى زاتتارىن ساتۋ دەرەگىنە قاتىستى قىلمىستىق ءىس قوزعادى. ەكى كۇدىكتى دە ۋاقىتشا ۇستاۋ يزولياتورىنا قامالدى، – دەدى الماتى قالالىق پوليسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.