الماتى قالاسى، الماتى جانە جەتىسۋ وبلىستارى بويىنشا قىلمىستىق-اتقارۋ جۇيەسى دەپارتامەنتىنىڭ №72 مەكەمەسىندە حالىقارالىق قارتتار كۇنى اتالىپ ءوتتى.
مەيىرىم مەن ىزگىلىك مەرەكەسى بولىپ سانالاتىن قارتتار كۇنىندە مەكەمە ۇجىمى نۇرلىحايات رىسقالييەۆا مەن پاريدام دجاپاروۆانى قۇتتىقتاپ، قۇرمەت كورسەتتى. نۇرلىحايات رىسقالييەۆا – تەرگەۋ يزولياتورى جەدەل ءبولىمىنىڭ جەدەل ۋاكىلى بولىپ تاعايىندالعان العاشقى قازاق قىزدارىنىڭ ءبىرى.
ول ىشكى ىستەر ورگانىندا 35 جىل قىزمەت وتكەرىپ، پودپولكوۆنيك شەنىنە دەيىن جەتكەن مامان. بۇگىندە ءوزى ۇزاق جىل قىزمەت اتقارعان مەكەمەدە كىتاپحاناشى بولىپ جۇمىس ىستەپ، جاس ۇرپاققا ۇلگى-ونەگە كورسەتىپ كەلەدى. نۇرلىحايات ءجۇسىپ قىزى جاۋاپتى قىزمەتتە ءجۇرىپ ەكى قىز تاربيەلەپ وسىرگەن اياۋلى انا. تەرگەۋ يزولياتورىنداعى تاعى ءبىر ەڭبەگىمەن ەل العىسىنا بولەنگەن جان – كاپيتان پاريدام دجاپاروۆا.
ول تەرگەۋ يزولياتورىندا ۇزاق جىلدار سوتتالعاندار اراسىندا اعا ينسپەكتور-پسيحولوگ قىزمەتىن اتقاردى. پاريدام دجاپاروۆا ءقازىر قۇرمەتتى دەمالىستا بولسا دا ارنايى كونتينگەنت اراسىندا پسيحولوگيالىق جۇمىس بويىنشا كاسىبي قىزمەتىن جالعاستىرۋدا. مەرەكە قۇرمەتىنە مەكەمەنىڭ شارۋاشىلىق قىزمەتىندەگى سوتتالعاندار كوڭىلدى كەش ۇيىمداستىرىپ، اۋەلەتە ءان شىرقادى. تەرگەۋ يزولياتورىنىڭ ۇجىمى جاس ماماندارعا وزدەرىنىڭ تىندىرىمدى ەڭبەكتەرىمەن ۇلگى بولىپ جۇرگەن جاندارعا سىيلىق تابىستاپ، العىس ايتتى.