23 قاراشادا ءۇرىمشى قالاسىندا شانحاي ىنتىماقتاستىق ۇيىمىنىڭ (شىۇ) «تۋريزم جىلى 2023» فورۋمى باستالدى، وعان قازاقستاندىق دەلەگاسيا قاتىستى. شىۇ-عا مۇشە مەملەكەتتەر باسشىلارى كەڭەسىنىڭ 2023 جىلعى 4 شىلدەدەگى وتىرىسىندا 2023-2024 جىلدارعا ارنالعان ءتوراعالىق (2023 جىلعى 5 شىلدە – 2024 جىلعى ماۋسىم) قازاقستانعا (ءۇندىستاننان) ءوتتى، ال الماتى قالاسىنا مادەني جانە تۋريستىك استانا مارتەبەسى بەرىلدى، دەپ حابارلايدى اlmaty-akshamy.kz.
ءوز سوزىندە الماتى قالاسى اكىمىنىڭ ورىنباسارى الىشەر ءابدىقادىروۆ اتاپ وتكەندەي، الماتى- ەلىمىزدىڭ قارجى، مادەني جانە تۋريستىك ورتالىعى دەپ تانىلعان قازاقستاننىڭ ەڭ ءىرى مەگاپوليسى. الماتىنىڭ ۇلەسىنە ەل ءجىو-نىڭ بەستەن ءبىر بولىگى (2023 جىلدىڭ ءى جارتىجىلدىعىندا 20،1%) جانە قازاقستان رەسپۋبليكاسى بيۋدجەتىنىڭ بارلىق كىرىستەرىنىڭ تورتتەن بىرىنەن استامى (2023 جىلدىڭ 9 ايىندا 28،2%) تيەسىلى. قالا ءوزىنىڭ باي تاريحي مۇراسىنا، كوپ مادەنيەتتىلىگىنە جانە تاۋ كلاستەرىنە 20 مينۋتتىق قولجەتىمدىلىكتە بىرەگەي تابيعي ورنالاسۋىنا بايلانىستى تۋريستىك سالانى، اتاپ ايتقاندا تاۋ، ىسكەرلىك، مادەني جانە سپورتتىق ءتۋريزمدى دامىتۋ ءۇشىن ۇلكەن الەۋەتكە يە. بۇگىنگى تاڭدا الماتىدا الەمنىڭ 77 ەلىمەن 45 تىكەلەي اۋە قاتىناسى جانە ۆيزاسىز رەجيمى بار.
«قازىرگى ۋاقىتتا الماتىدا تۋريزم سالاسى پاندەمياعا دەيىنگى دەڭگەيگە جەتتى. 2023 جىلدىڭ 1 جارتىجىلدىعىنىڭ قورىتىندىسى بويىنشا قالاعا 261،6 مىڭ شەتەلدىك تۋريست كەلدى، بۇل 2018 جىلدىڭ سايكەس كەزەڭىنەن 62،8% - عا ارتىق. اعىمداعى جىلى كەلگەن تۋريستەردىڭ 70% – عا جۋىعى شىۇ ەلدەرىندە تۇراتىن ازاماتتار ەكەنىن اتاپ وتكىم كەلەدى. قازاقستان مەن جۇڭگو اراسىنداعى ۆيزاسىز رەجيمدى ەنگىزۋ، شىۇ - نىڭ مادەني جانە تۋريستىك استاناسىن الماتى دەپ جاريالاۋ جانە 2024 جىلدى قىتايداعى قازاقستاننىڭ تۋريزم جىلى دەپ جاريالاۋ سياقتى ءبىرقاتار نەگىزگى حالىقارالىق وقيعالار ءتۋريزمدى دامىتۋعا جانە ەلدەر اراسىنداعى سىندارلى ديالوگتى ودان ءارى نىعايتۋعا ەرەكشە ءارى كۇشتى سەرپىن بەرەد»، - دەدى الىشەر ءابدىقادىروۆ.
الماتىعا 2023 جىلدىڭ التى ايىندا 261 571 شەتەلدىك تۋريست كەلدى، ونىڭ ىشىندە شىۇ-عا قاتىسۋشى ەلدەردەن 180 113 (68،8%) تۋريست: رەسەيدەن - 109 598 ادام، قحر - 15 694 ادام، ءۇندىستاننان - 18 309 ادام، وزبەكستاننان - 12 816 ادام، قىرعىزستاننان - 14 386 ادام، تاجىكستاننان - 7 585 ادام.، پاكىستاننان - 732 ادام، يراننان - 993 ادام.
بۇگىنگى تاڭدا الماتىنىڭ الدىنا ىشكى جانە سىرتقى ءتۋريزمدى دامىتۋ، سونداي-اق تارتىمدى، باسەكەگە قابىلەتتى تۋريستىك باعىت رەتىندە قالانىڭ وڭ ءيميدجىن قالىپتاستىرۋ ماقساتتارى قويىلدى. 2024 جىلى الماتىعا 520 مىڭنان استام شەتەلدىك تۋريست، 2030 جىلعا قاراي ميلليونعا دەيىن ادام كەلەدى دەپ جوسپارلانۋدا.
شىۇ فورۋمى اياسىندا ءبىرقاتار پانەلدىك سەسسيالار ءوتتى، سونىڭ ىشىندە شانحاي ىنتىماقتاستىق ۇيىمىنا مۇشە ەلدەردە تۇراقتى ءتۋريزمدى ىلگەرىلەتۋ بويىنشا. ورنىقتى تۋريزم، سونداي-اق ەكولوگيالىق تۇراقتى نەمەسە جاۋاپتى تۋريزم رەتىندە بەلگىلى، سالانىڭ قورشاعان ورتاعا تەرىس اسەرىن ازايتۋعا، بيوارتۇرلىلىك پەن مادەني مۇرانى ساقتاۋ بويىنشا شارالار قابىلداۋعا، الەۋمەتتىك قاتىناستار مەن جەرگىلىكتى قوعامداستىق ەكونوميكاسىن دامىتۋعا باعىتتالعان. ورنىقتى ءتۋريزمنىڭ نەگىزگى يدەياسى كەلۋشىلەردىڭ قاجەتتىلىكتەرى مەن تابيعاتتى، مادەنيەتتى جانە دەستيناسيالىق ەكونوميكانى ساقتاۋ اراسىنداعى تەپە-تەڭدىكتى قامتاماسىز ەتۋ بولىپ تابىلادى.
