ايەلدەر بيزنەسى قالاي دامىپ جاتىر؟
قازاقستانداعى شوب سۋبەكتىلەرىنىڭ 43،5%-ىنا ايەلدەر جەتەكشىلىك ەتەدى. ال الماتىداعى شاعىن جانە ورتا بيزنەستىڭ تەڭ جارتىسىن ايەلدەر باسقارادى، دەپ حابارلايدى اlmaty-akshamy.kz inbusiness.kz سايتىنا سىلتەمە جاساپ.
الماتى وكپ ايەلدەر كاسىپكەرلىگىن قولداۋ ورتالىعىنىڭ كەڭەسشىسى اسەل جالعاس قىزىنىڭ ايتۋىنشا، الماتىداعى شوب سۋبەكتىلەرىنىڭ تەڭ جارتىسى ايەلدەرگە تيەسىلى. الىپ مەگاپوليستەگى شاعىن جانە ورتا بيزنەس سەكتورىنداعى جۇمىس ورىندارىنىڭ 31%-ىن جانە قازاقستان جالپى ىشكى ءونىمىنىڭ 14،6%-ىن بيزنەستەگى ايەلدەر قامتاماسىز ەتەدى. جالپى، ەل بويىنشا شاعىن جانە ورتا كاسىپكەرلىك سۋبەكتىلەرىنىڭ 43،5%-ىن ايەلدەر باسقارادى، ال الماتىدا بۇل كورسەتكىش 50%-عا تەڭ.
«بۇگىندە قىز-كەلىنشەكتەر ەكونوميكانىڭ بارلىق دەرلىك سالاسىندا جۇمىس ىستەپ، بيزنەسىن ورگە دوڭگەلەتىپ ءجۇر. ايتسە دە نەگىزگى سالالار – ساۋدا، قىزمەت كورسەتۋ، ناقتىراق ايتقاندا، قاستان باستاپ تىرناققا دەيىن سۇلۋلىق يندۋسترياسىنىڭ تولىق سپەكترى، ءقوناقۇي ءىسىن جۇرگىزۋ، مەكتەپكە دەيىنگى ءبىلىم، باستاۋىش ءبىلىم بەرۋ، سونىمەن قاتار قوعامدىق تاماقتانۋ بيزنەسىنە دەن قويعان»، - دەيدى وكپ ايەلدەر كاسىپكەرلىگىن قولداۋ ورتالىعىنىڭ كەڭەسشىسى اسەل جالعاس قىزى.
سونداي اق، جىلدان-جىلعا الماتىدا بيزنەستەگى ايەلدەردىڭ ۇلەس سالماعى ارتىپ كەلەدى. ماسەلەن، 2021 جىلدىڭ سوڭىنا قاراي باسشى ايەلدەر تىركەلگەن جەكە كاسىپكەرلىك نىساندارىنىڭ سانى ءبىر جىلدا 9،1%-عا، 625،1 مىڭعا دەيىن ءوستى. ولاردىڭ جەكە كاسىپكەرلىكتەگى جالپى سانىنىڭ ۇلەسى دە ءوستى – ءبىر جىلدا 47،4%-دان 49%-عا دەيىن ارتقان.
بيىل ەلىمىزدەگى تانىمال بانك ايەل كاسىپكەرلەردى قولداۋ ماقساتىندا جىلدىڭ 5 پايىزبەن نەسيەلەۋگە 1 ملرد تەڭگە ءبولدى. بۇدان بولەك «باستاۋ بيزنەس» جوباسى ىسكە اسىرىلۋدا. جوبا بويىنشا كاسىپكەرلىك نەگىزدەرىن 1 اي وقىپ، ءارى قاراي 400 اەك كولەمىندە گرانت الۋعا بولادى.
«باستاۋ بيزنەس» وقۋىنا قاتىسۋ ءۇشىن business.enbek.kz پورتالىندا تىركەلىپ، وقۋ شارتتارىنا سايكەستىكتى اۆتوماتتى تەكسەرۋدەن جانە وقۋ شارتتارىنا سايكەستىكتەن ءوتۋى كەرەك. شارتتارعا سايكەس كەلگەن قاتىسۋشى skills.enbek.kz پورتالىنا ءوتىپ، وقۋعا كىرىسە الادى. بيىل ءبىرىنشى لەككە ءوتىنىم قابىلداۋ 20 اقپاندا باستالىپ، 10 كۇنگە جالعاستى. ايتا كەتەلىك، قازاقستانداعى شوب سۋبەكتىلەرىنىڭ 43،5%-ىنا ايەلدەر جەتەكشىلىك ەتەدى.