عىلىمي قىزمەتكەرلەر، ساراپشىلار، قوعام قايراتكەرلەرى جانە ب ا ق وكىلدەرىنىڭ قاتىسۋىمەن وتكەن كوشپەلى كەڭەس بارىسىندا قىلقان جاپىراقتى اعاشتاردىڭ جاعدايى باعالاندى.
ساراپشىلار ساتبايەۆ كوشەسىندەگى اۆتوتۇراق ماڭىنداعى ەسكى شىرشالاردىڭ جاعدايىنا قاتتى الاڭداۋشىلىق ءبىلدىردى. اعاشتاردان قۋراعان ينەلەر مەن ءدىڭنىڭ ءشىرۋ بەلگىلەرى انىقتالدى، دەپ حابارلايدى aqshamnews.kz.
جيەمبايەۆ اتىنداعى قازاق وسىمدىكتەردى قورعاۋ جانە كارانتين عىلىمي-زەرتتەۋ ينستيتۋتىنىڭ عىلىمي قىزمەتكەرى نۇرجان مۇحامادييەۆتىڭ ايتۋىنشا، تەكسەرۋ بارىسىندا كەي شىرشالاردىڭ ينەلەرى قۋراپ، ءتۇسى اعارىپ كەتكەنى بايقالعان.
«شىرشالار 60-70 جىلدىق، ديامەترى 30 سم-دەن اسادى. ينەلەردە انىق ەمەس داقتار، كۇننىڭ اسەرىنەن كۇيگەن بەلگىلەر بار. تامىر ماڭىنداعى قورەكتەنۋ اۋماعى ازايعان. سونداي-اق، قابىعىندا مەحانيكالىق زاقىمدانۋلار، شايىر اعىپ شىعۋ بەلگىلەرى جانە ۋلى گازداردىڭ اسەرى بايقالادى. ىلعالدى كامەرادا جانە قورەكتىك ورتادا جۇرگىزىلگەن تاجىريبەلەر كەزىندە التەرناريا (Alternaria) جانە مۋكور (Mucor) تۇقىمداس ساڭىراۋقۇلاقتاردىڭ بولۋى انىقتالدى. الايدا زياندى پاتوگەندى اعزالار تابىلعان جوق. بۇل دءىءڭىنىڭ ىشكى شىرىگى مەن اعاشتاردىڭ سارعايىپ كەتۋىنە بايلانىستى. سانيتارلىق جاعداي بويىنشا بۇل اعاشتار ءالسىز دەپ باعالاندى (كسو-3). دەكوراتيۆتىك قاسيەتىن جوعالتقاندىقتان، ولاردى ءتوزىمدى قىلقان جاپىراقتى اعاش تۇرلەرىنە اۋىستىرۋ ۇسىنىلادى»، – دەءدى مۇحامادييەۆ.
«ەكوالماتى» ءجشس-نىڭ ءبولىم باسشىسى بولات امىرعالييەۆ رەزيستوگراف ارقىلى جۇرگىزىلگەن زەرتتەۋلەر اعاشتاردىڭ قۇرىپ بارا جاتقانىن، زيانكەستەر مەن اۋرۋلاردىڭ كەڭ تاراعانىن كورسەتكەنىن اتاپ ءوتتى. «سكۆەردەگى كەيبىر شىرشالار تولىقتاي قۋراپ قالعان، ءبىرىنشى كەزەكتە سولاردى كەسۋ كەرەك»، – دەدى ول.
«جاسىل كوميسسيا» مۇشەسى ومار نۇرحايداروۆتىڭ ايتۋىنشا، اعاشتاردىڭ اۆتوتۇراققا جاقىن ورنالاسۋى ولاردىڭ قۇلاپ، كولىككە جانە جاياۋ جۇرگىنشىلەردىڭ قاۋىپسىزدىگىنە قاتەر توندىرەتىنىن كورسەتكەن. وسىعان بايلانىستى ساراپشىلار ىقتيمال قاۋىپ-قاتەردىڭ الدىن الۋ ءۇشىن ەسكى اعاشتاردى كەسۋدى ۇسىندى.
كوشپەلى كەڭەس ناتيجەسىندە ەسكى اعاشتاردىڭ ورنىا ءىرى كوشەتتەر وتىرعىزۋ تۋرالى شەشىم قابىلداندى. ءىرى كوشەتتەر – بۇل بيىكتىگى 4 مەتردەن اساتىن، تامىر جۇيەسى جاقسى دامىعان، ءدىڭى مەن ۇشار باسى بار، الماتى قالاسىنىڭ كليماتتىق جاعدايىنا بەيىمدەلگەن جەرگىلىكتى ءتالىمباقتاردا وسىرىلگەن اعاشتار.