الماتى قالاسىنىڭ اكىمدىگى «سايران» اۆتوۆوكزالىنىڭ مەنشىك يەسىمەن ونى كوممۋنالدىق مەنشىككە قايتارۋ ماسەلەسى بويىنشا كەلىسسوزدەر جۇرگىزۋدە. بۇل تۋرالى الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگ بارىسىندا حابارلادى.
جۋرناليستەردىڭ اۆتوۆوكزال اۋماعىن اۋقىمدى جاڭعىرتۋ جانە اباتتاندىرۋ بويىنشا جوسپارلارعا قاتىستى قويعان سۇراعىنا جاۋاپ بەرە وتىرىپ، قالا باسشىسى «سايران» 2000-جىلداردىڭ ورتاسىندا جەكەمەنشىككە وتكەنىن، ال 2018-2019 جىلدارى نىساننىڭ مەنشىك يەسى عيماراتقا بازالىق جاڭعىرتۋ جۇرگىزگەنىن ەسكە سالدى.
«اۆتوۆوكزال ءبىز ءۇشىن ىشكى كولىك تورابىنداعى ماڭىزدى نىسان. الماتىنىڭ باس جوسپارى مەن ەگجەي-تەگجەيلى جوسپارلاۋ جوباسىنا سايكەس، اۆتوۆوكزال قوعامدىق ىسكەرلىك ايماقتا، ناقتىراق ايتقاندا كولىك قىزمەتىن كورسەتەتىن وبەكتىلەر ايماعىندا ورنالاسقان. سوندىقتان ول جولاۋشىلاردى كولىكتەن كولىككە اۋىستىرۋ ءۇشىن وتە قولايلى»، - دەدى ەربولات دوسايەۆ.
سونىمەن قاتار، الماتى اكىمى اۆتوۆوكزالدىڭ مەنشىك يەسىمەن نىساندى كوممۋنالدىق مەنشىككە قايتارىپ، ونى جاڭعىرتۋ جانە ءبىرىڭعاي كەشەن قۇرۋ بويىنشا كەلىسسوزدەردىڭ باستالعانىن اتاپ ءوتتى.