مۇندا ەڭبەكپەن وڭالتۋ ءبولىمى بار
پسيحيكاسى اۋىتقىعانداردىڭ تۇراقتى جۇمىس تابۋى قيىن-دەيدى ماماندار، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
كوبى الەۋمەتتىك جاردەماقىعا كۇن كورەدى. ەسەپتە تۇرعانداردىڭ ءبىرازى پسيحيكالىق ساۋىقتىرۋ ورتالىعىندا ەڭبەك ەتەدى. مۇندا ەڭبەكپەن وڭالتۋ ءبولىمى بار. باسپاحانا، تىگىن سەحى، كارتوننان كونۆەرت جاساۋ جانە باۋ-باقشا ەگۋ جۇمىستارىمەن اينالىسۋعا بولادى. جالپى سانى 70-كە جۋىق ادام ەڭبەك ەتەدى. كۇنىنە 6 ساعاتتىق جۇمىستىڭ ايلىعى 20 مىڭ تەڭگەدەن 60 مىڭ تەڭگەگە دەيىن. ەڭ باستىسى ناۋقاستار ۇيدە وتىرىپ، كۇيزەلىسكە تۇسپەيدى. ءوزى سىندى جۇمىسشىلارمەن ارالاسىپ، قوعامعا پايداسىن تيگىزەدى.
«وسى جىلدان باستاپ ءبىز از بولسا دا ءوزىمىزدىڭ جاڭاعى باقشامىزدى اشتىق. سول باقشادا ءوزىمىزدىڭ ناۋقاستارىمىز سول جەردە بيىلدان باستاپ ەگىپ، وزدەرىڭىز جەمىستەرىن ناتيجەسىن كوردىڭىزدەر سونى ەڭبەك ەتىپ، سونى ەگىپ، سونىڭ پىسكەنىن كورسەڭىز عوي. اۋرۋلاردىڭ وزدەرىنىڭ قاناعاتتانعانىن كورەسىزدەر»، - دەيدى قالالىق پسيحيكالىق ساۋىقتىرۋ ورتالىعىنىڭ ديرەكتورى ساپار راحمەنشەيەۆ.