الماتى اكىمى باقىتجان ساعىنتايەۆ جەتىسۋ اۋدانى اقتولقىن كوشەسىندەگى ورتەنگەن ءۇيدىڭ تۇرعىندارىمەن كەزدەستى. قالا باسشىلىعى ولارعا جاڭا باسپانا ساتىپ اپەردى.
مەگاپوليس اكىمى باقىتجان ساعىنتايەۆ Instagram-داعى ءوزىنىڭ اككاۋنتىندا ورتەنگەن ۇيدە تۇراتىن وتباسىلارعا بارعانى تۋرالى ايتتى، دەپ حابارلايدى Almaty-akshamy.kz
قالا اكىمى تۇرعىندارمەن بىرگە ارلەۋ جۇمىستارى ءجۇرىپ جاتقان جاڭا ءۇيدى قاراپ شىقتى.
«بۇگىن ورتتەن زارداپ شەككەن 14 وتباسىنىڭ ماسەلەسىنە نۇكتە قويىلدى. جەتىسۋ اۋدانى اقتولقىن كوشەسىندەگى ءۇي قالپىنا كەلتىرىلمەيدى. تۇرعىندارمەن بىرگە سالىنىپ جاتقان ۇيدەن جەرگىلىكتى بيۋدجەت قاراجاتى ەسەبىنەن ساتىپ الىناتىن جاڭا پاتەرلەردى قارادىق. كوشۋگە ءبىراز ۋاقىت قالدى. بولاشاق قونىس يەلەرىنە باقىت تىلەيمىز!» - دەپ جازدى باقىتجان ساعىنتايەۆ.
جاڭا ءۇي دە جەتىسۋ اۋدانىندا ورنالاسقان. وسىلايشا قالالىقتاردىڭ جوسپارلانباعان قونىس اۋدارۋعا بەيىمدەلۋى جەڭىل وتەتىن بولادى.