ن. ساس اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق ورىس تەاترىنىڭ عيماراتىن رەكونسترۋكسيالاۋ بيىل ناۋرىز اي̆ىندا باستالادى. بۇل تۋرالى الماتىنىڭ قۇرىلىس باسقارماسى ءمالىم ەتتى، دەپ حابارلايدى aqshamnews.kz.
رەكونسترۋكسيالاۋ جوباسى مەملەكەتتىك ساراپتامادان ءوتتى، داي̆ىندىق جۇمىستارىن باستاعان مەردىگەرلىك ۇي̆ىم انىقتالدى. الداعى كۇندەرى تەاتر اۋماعىندا قورشاۋ ورناتىلادى.
قالالىق قۇرىلىس باسقارماسى تەاتر عيماراتى 80ء-شى جىلدارى سالىنعانىن جانە ەشقاشان كۇردەلى جوندەۋ جۇرگىزىلمەگەنىن ەسكە سالدى.
تەاتر ۇجىمى عيماراتتىڭ قاي̆عىلى جاعداي̆ىنا جۇرتشىلىقتىڭ نازارىن بىرنەشە رەت اۋداردى: شاتىردان اققان سۋ ساحنانى باسقان، سىرتقى قاپتامالار مەن ەلەكتر سىمدارى الدەقاشان جارامسىز بولىپ قالعان. قالا اكىمى ەربولات دوسايەۆقا ءوتىنىش بىلدىرگەننەن كەي̆ءىن ولارعا الماتى ءۇشىن ماڭىزدى مادەني نىساندى قاي̆تا جاڭعىرتۋ تاپسىرىلدى. جۇرگىزىلگەن تەحنيكالىق تەكسەرۋ جابدىقتاردىڭ، ينجەنەرلىك جەلىلەردىڭ، شاتىردىڭ، قاسبەتتىك پليتالاردىڭ جانە ءۇي̆-جاي̆لاردىڭ ىشكى ارلەۋىنىڭ اي̆تارلىقتاي̆ توزۋىن انىقتادى. بۇگىنگى تاڭدا عيمارات قاۋىپسىزدىك ەرەجەلەرىنە ءساي̆كەس كەلمەي̆ءدى جانە ەستەتيكالىق كەلبەتىن جوعالتتى.
ن. ساس اتىنداعى تەاتردى قاي̆تا قۇرۋ جوباسى جۇرتشىلىقپەن جانە ساراپشىلارمەن كەڭىنەن تالقىلاندى. وندا تىرەك كونسترۋكسيالارىن كۇشەي̆تۋ، اعىپ جاتقان شاتىرلار مەن قاسبەتتىك پليتالاردى اۋىستىرۋ، بارلىق ينجەنەرلىك كوممۋنيكاسيالاردى جاڭارتۋ قاراستىرىلعان. عيماراتتىڭ تولىق جابدىعى اۆتوماتتى ءورت ءسوندىرۋ ءجۇي̆ەسىمەن قامتاماسىز ەتىلەدى. تەاتر جابدىقتارىن، ساحنانى، جارىقتاندىرۋدى 100% جاڭارتۋ، ورىندىقتار اراسىنداعى وتكەلدەر مەن قاشىقتىقتى كەڭەي̆تۋ، حالىقتىڭ از قوزعالاتىن توپتارى ءۇشىن قوسىمشا ورىندار بەلگىلەۋ جوسپارلانۋدا.
ساۋلەت ەلەمەنتتەرىن قالپىنا كەلتىرۋ جانە ساقتاۋ ماسەلەسىنە ەرەكشە نازار اۋدارىلادى، ءوي̆تكەنى عيمارات جەرگىلىكتى ماڭىزى بار تاريح پەن مادەنيەتتىڭ ەسكەرتكىشى بولىپ تابىلادى. مىسالى، باستاپقى جوباعا سالىنعان زالدىڭ ەدەن جابىنىنىڭ تاريحي كورىنىسىن قاي̆تا جاساۋ جوسپارلانۋدا. عيماراتتىڭ فوي̆ەسىندە موزايكا دا قالپىنا كەلتىرىلەدى.
بۇل جۇمىستار اۋدانى 14،6 مىڭ ش. م. عيماراتتى قاي̆تا جاڭارتۋ بارىسىندا جۇرگىزىلەتىن بولادى.
سونىمەن قاتار، ونىڭ جانىنا اۋدانى 10 مىڭ شارشى مەتر بولاتىن ءۇش قاباتتى جاڭا عيمارات سالىنادى. وندا ساحناسى بار 200 ورىندىق كامەرالىق زال، گريم بولمەلەرى، تەاتردىڭ شەبەرحانالارى مەن سەحتارىنا ارنالعان ءۇي̆-جاي̆لار، دەكوراسيالاردى ساقتاۋعا ارنالعان قوي̆مالار، كوركەمدىك-باسقارۋشى پەرسونالعا ارنالعان كابينەتتەر، سونداي̆-اق وقۋ ساحناسى مەن بالالار تەاتر ستۋدياسىنىڭ ساباقتارىنا ارنالعان سىنىپتار ورنالاسادى. ەكى عيمارات گالەرەيا وتكەلىمەن قوسىلادى، سىرتقى جەلىلەر اۋىستىرىلادى، سونداي̆-اق ىرگەلەس اۋماقتى كوگالداندىرۋمەن اباتتاندىرۋ جۇرگىزىلەدى. ياعني، بۇل اۋقىمدى جوبا، ال جۇمىس اياقتالعاننان كەي̆ءىن تەاتر ۆيزيت كارتوچكالارىنىڭ بىرىنە، قالانىڭ شىعىس بولىگىندەگى قالا تۇرعىندارىن تارتاتىن ورىنعا اي̆نالادى.
قۇرىلىس-مونتاج جۇمىستارىن ورىنداۋدىڭ نورماتيۆتىك مەرزىمى 16 اي̆دى قۇراي̆دى، تيىسىنشە جوبانىڭ تولىق اياقتالۋى 2026 جىلدىڭ شىلدەسىنە جوسپارلانعان.