بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى الەۋمەتتىك مەديسينالىق ساقتاندىرۋ قورىنىڭ ديرەكتورى تىلەۋحان ابىلدايەۆ ءمالىم ەتتى، دەپ حابارلايدى اlmaty-akshamy.kz.
ول قور 2017 جىلدان باستاپ مىندەتتى مەديسينالىق ساقتاندىرۋعا قاراجات جيناقتاپ كەلە جاتقانىن، ال 2018 جىلدان باستاپ تەگىن مەديسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە، سونداي-اق 2020 جىلدىڭ 1 قاڭتارىنان باستاپ مىندەتتى مەديسينالىق ساقتاندىرۋ جۇيەسى اياسىندا مەديسينالىق كومەكتى ستراتەگيالىق ساتىپ الۋشى ەكەنىن ەسكە سالدى.
«2022 جىلدىڭ 5 ايىندا ءمامس جۇيەسىنە تۇسىمدەر 398،4 ملرد تەڭگەنى قۇرادى. تۇسىمدەردىڭ نەگىزگى ۇلەسىن 15 جەڭىلدىك ساناتى ءۇشىن مەملەكەتتىڭ جارنالارى قۇرايدى - بۇل 42%-دان استام، جۇمىس بەرۋشىلەردىڭ اۋدارىمدارى - 34،7%-دان استام جانە ەكونوميكالىق بەلسەندى حالىقتىڭ جارنالارى - 22،6%»، - دەپ اتاپ ءوتتى ت. ابىلدايەۆ.
وڭىرلەر بويىنشا ەڭ كوپ كىرىستەر الماتى، نۇر-سۇلتان قالالارى مەن قاراعاندى جانە شىعىس قازاقستان وبلىستارىنا تيەسىلى.
سپيكەر ءمامس-تىڭ ەنگىزىلۋىمەن تۇرعىندار ءۇشىن كونسۋلتاسيالىق-دياگنوستيكالىق كومەكتىڭ قولجەتىمدىلىگى ارتقانىن باسا ايتتى.
مەگاپوليس تۇرعىندارىنا ارناعان سوزىندە ت.ابىلدايەۆ مەديسينالىق ۇيىمدار تاراپىنان قۇقىق بۇزىلعان جاعدايدا كەز كەلگەن قالا تۇرعىنى پايدالانا الاتىن كەرى بايلانىس ارنالارىن اتادى. اتاپ ايتقاندا، Qoldau24/7 ءموبيلدى قوسىمشاسى، 1406 ءبىرىڭعاي بايلانىس ورتالىعى جانە رەسمي سايت fms.kz. بارلىق وتىنىشتەر مىندەتتى تۇردە قاراستىرىلادى.