قالادا تۇكش جاڭعىرتۋدىڭ مەملەكەتتىك باعدارلاماسى ىسكە اسىرىلۋدا، ونىڭ شەڭبەرىندە تۇرعىندار 8 جىلدان 15 جىلعا دەيىنگى مەرزىمدە قايتارىمدى نەگىزدە ۇيدە كۇردەلى جوندەۋدى جۇزەگە اسىرا الادى. باعدارلاما وپەراتورى – «الماتى تۇرعىن ءۇي» ج ش س، دەپ حابارلايدى almaty-akshamy.kz
وسى باعدارلامانى ىسكە اسىرۋ بارىسىندا 2011-2022 جىلدار ارالىعىندا 965 كوپپاتەرلى تۇرعىن ۇيگە كۇردەلى جوندەۋ جۇرگىزىلىپ، 907 ۇيدە 1935 ليفت اۋىستىرىلدى. 2023 جىلى 100 كپتۇ-دە جوندەۋ جوسپارلانعان. جوندەۋ جۇمىستارىنىڭ تۇرلەرى – شاتىردى، ينجەنەرلىك جانە ەلەكتر جەلىلەرىن اۋىستىرۋ، كىرەبەرىس پەن قاسبەتتى جوندەۋ.
وتەپوۆ كوشەسىندەگى № 21 تۇرعىن ءۇي تۇرعىندارى 2022 جىلعى 14 ماۋسىمدا كۇردەلى جوندەۋ جۇرگىزۋگە ءوتىنىم بەردى، قازىرگى ۋاقىتتا بارلىق جۇمىستار اياقتالدى جانە تۇرعىندارمەن قابىلداندى. يسايەۆ كوشەسى بويىنداعى 10 قاباتتى №15 كپتۇ-دە جۇمىستار جۇرگىزىلۋدە، مەردىگەرلىك ۇيىم قاسبەتتى جوندەۋمەن اينالىسۋدا.
قالانىڭ تۇرعىن ءۇي قورىندا 6285-تەن استام ليفت پايدالانىلۋدا، ونىڭ 386-سى 25 جىلدان استام ۋاقىت بويى پايدالانىلىپ كەلەدى.
وتكەن جىلى جەرگىلىكتى بيۋدجەتتەن قايتارىمدى نەگىزدە بولىنگەن قاراجات ەسەبىنەن 170 ۇيدە 358 بىرلىك ليفت جابدىعى اۋىستىرىلدى. جۇمىستار جەدەل جۇرگىزىلۋدە. مىسالى، شاشكين كوشەسىندەگى №9ا تۇرعىن ۇيدە جاڭا ليفت ورناتۋ اياقتالدى، قاراجاتتى كەزەڭ-كەزەڭىمەن قايتارۋ جۇرگىزىلۋدە: تۇكش جاڭعىرتۋ باعدارلاماسىنا قاتىسۋ ءۇشىن كپتۇ پاتەر يەلەرىنەن ءوتىنىم 2022 جىلعى 28 قاڭتاردا الىندى.
2023 جىلى 86 كپتۇ-دە 155 بىرلىك ليفت جابدىعىن اۋىستىرۋ جوسپارلانعان. جاڭعىرتۋدىڭ وسىنداي قارقىنىمەن نورماتيۆتىك مەرزىمدە 25 جىل جۇمىس ىستەگەن ليفتىلەر سانى 2024 جىلعا قاراي ايتارلىقتاي ازاياتىنىن اتاپ ءوتۋ ماڭىزدى.
باعدارلاماعا قاتىسۋ ءۇشىن تۇرعىندار جينالىستا تۇرعىن ءۇيدى جوندەۋ تۋرالى شەشىم قابىلدايدى جانە تۇرعىندار اراسىنان جاۋاپتى تۇلعالاردى تاڭداۋدى جۇزەگە اسىرادى. وسىدان كەيىن باسقارۋ ورگانى (ميب/پيك) حاتتاما مەن قاتىسۋعا ءوتىنىمدى باعدارلاما وپەراتورىنا عابدۋللين كوشەسى، 90 «ا» مەكەنجايى بويىنشا ۇسىنادى.
وسى قۇجاتتاردىڭ نەگىزىندە وپەراتور جوبالاۋ-سمەتالىق قۇجاتتامانى ازىرلەۋگە جانە ءۇيدى كۇردەلى جوندەۋگە اقشالاي قاراجات بولۋگە بيۋدجەتتىك ءوتىنىم بەرەدى.
تولىعىراق كەڭەس الۋ ءۇشىن باعدارلاما وپەراتورىنا حابارلاسۋعا بولادى: +7 (727) 390-22-09. سونداي-اق، قوسىمشا اقپاراتتى «الماتى قالاسى كوممۋنالدىق ينفراقۇرىلىمدى دامىتۋ باسقارماسى» كمم-دە دوستىق داڭعىلى، 85، 504 كابينەت مەكەنجايى بويىنشا الۋعا نەمەسە +7 (727) 225- 14-31 ءنومىرى بويىنشا حابارلاسۋعا بولادى.