الماتىداعى كوممۋنالدىق قىزمەتتەر كۇشەيتىلگەن رەجيمگە اۋىستىرىلدى

قالا بويىنشا جايلى قوزعالىستى قامتاماسىز ەتۋ ءۇشىن كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەيدى.

«قازگيدرومەت» رمك بولجامى بويىنشا، 14 ناۋرىز كۇنى ساعات 16.00-دەن 15 ناۋرىز كۇنگى ساعات 04.00-گە دەيىن الماتى قالاسىندا بيىكتىگى 8-10 سم قار ارالاس جاۋىن-شاشىن بولادى، دەپ حابارلايدى Almaty-akshamy.kz الماتى قالاسى كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.

كۇندىزگى ۋاقىتتا قار تازالاۋ جۇمىستارىنا 463 بىرلىك تەحنيكا، 18 موتوپومپالار جانە 1012 جول جۇمىسشىلارى جۇمىلدىرىلدى. 89 بىرلىك ارنايى تەحنيكا مەن 320 جۇمىسشىنىڭ كۇشىمەن كولدەنەڭ ارىق جەلىلەرىن تازارتۋ جۇمىستارى اياقتالۋدا.

14 ناۋرىزدا تۇنگى ۋاقىتتا 320 م3 قار شىعارىلدى. قىسقى كەزەڭدە بارلىعى 367،3 تىس. م3 قار شىعارىلدى. 

قاردىڭ تۇسۋىنە، جولدىڭ ناشار كورىنۋى جانە جولدارداعى كوكتايعاق قۇبىلىستارىنا بايلانىستى اۆتوكولىك جۇرگىزۋشىلەرىنەن جىلدامدىقتى ازايتۋدى، تەجەۋگە بىردەن جۇگىنبەۋدى، قاشىقتىقتى، بۇيىرلىك ارالىقتى جانە مانيەۆر جاساۋ ەرەجەلەرىن ساقتاۋدى سۇرايمىز. جۇرگىزۋشىلەرگە اعاشتاردىڭ قۇلاۋ ءقاۋپى مەن ەلەكتر جەلىلەرىنىڭ ۇزىلۋىنە بايلانىستى كولىكتەردى جول جيەگىنە قويماۋعا كەڭەس بەرىلەدى. جاياۋ جۇرگىنشىلەر تروتۋارلارمەن ءجۇرۋ كەزىندە اباي بولۋلارى  ءتيىس، بەلگىلەنگەن جەرلەردە كوشەلەردى كەسىپ ءوتۋ كەرەك.