الماتىنىڭ ەڭ كورنەكتى ورىندارىنىڭ ءبىرى «كوكتوبە» تەلەمۇناراسى ۇلتتىق دومبىرا كۇنىنە وراي ەرەكشە جارىقپەن ايشىقتالىپ، مەرەكەلىك كەيىپكە ەندى.
مۇنارانىڭ قاسبەتىنە دومبىرانىڭ بەينەسى، اۋەندى نوتالار، ۇلتتىق ورنەكتەر مەن «ۇلتتىق دومبىرا كۇنى قۇتتى بولسىن!» دەگەن قۇتتىقتاۋ جازۋ پايدا بولدى.
اتاۋلى كۇنگە وراي رەسپۋبليكا سارايىنىڭ الدىنداعى اباي الاڭىندا ءداستۇرلى جانە ەسترادا جانرىنداعى تانىمال ونەر يەلەرىنىڭ قاتىسۋىمەن مەرەكەلىك كونسەرت ءوتتى. قالا تۇرعىندارى مەن قوناقتارىن الماتى اكىمى دارحان ساتىبالدى قۇتتىقتاپ، بۇل كۇننىڭ ۇلتتىق رۋح پەن مادەني بولمىستى بەكەمدەۋدەگى ايرىقشا ماڭىزىن اتادى.