ماماندار الماتىلىقتاردى سانالى تۇردە قاۋىپسىزدىكتى ساقتاۋعا، كوپ ادامدار جينالعان ورىندارعا بارماۋعا شاقىرادى.
الماتىنىڭ مونيتورينگ توپتارى كارانتيندىك بۇزۋشىلىقتاردى انىقتاۋدى جالعاستىرۋدا. تەكسەرۋشىلەر كوروناۆيرۋستىڭ ودان ءارى تارالۋىنا جول بەرمەۋ ءۇشىن كۇشەيتىلگەن رەجيمدە جۇمىس ىستەۋدە. ءموبيلدى توپتار بيىلعى جىلى 2700-گە جۋىق زاڭ بۇزۋشىلىقتى انىقتادى، دەپ حابارلايدى Almaty-akshamy.kz.
الماتى كوروناۆيرۋس ينفەكسياسىن جۇقتىرۋ قارقىنى بويىنشا «قىزىل» ايماقتا تۇرعاندىقتان، قوعامدىق تاماقتانۋ ورىندارى، ادامدار كوپ جينالاتىن ورىندار، دۇكەندەر جانە باسقا دا قوعامدىق ورىندار تەكسەرۋلەر كۇندىز، كەشكە قاراي جانە تۇندە تەكسەرىلۋدە.
الايدا، الماتى تۇرعىندارى مەن قوناقتارى كوروناۆيرۋستىڭ جاڭا شتامدارىنىڭ بەلسەندى اينالىمىنا قاراماستان، ادامدار كوپ جينالاتىن ورىندارعا، سالتاناتتارعا بارۋدا، توي ۇيىمداستىرۋدا، ادام تولى جابىق ورىنداردا ۋاقىتتارىن وتكىزۋدى جالعاستىرۋدا.
بيىلعى جىلى 30 279 نىسان تەكسەرىلىپ، 2682 مەكەمەدە كارانتيندىك شارالاردىڭ بۇزىلعانى انىقتالدى. 4 730 حاتتاما جاسالدى، ونىڭ ىشىندە زاڭدى تۇلعالارعا 163،6 ملن 468 ايىپپۇل سالىندى، ماسكا رەجيمىن بۇزعانى ءۇشىن 4 262 حاتتاما جاسالدى، 187 ملن تەڭگەگە جۋىق ايىپپۇل سالىندى.
كارانتيندى ءجيى بۇزاتىندارعا قاتىستى 75 ماتەريال قالانىڭ مامانداندىرىلعان اۋدانارالىق اكىمشىلىك سوتتارىنا جىبەرىلدى، ونىڭ 64-ىنە قىزمەتتى توقتاتا تۇرۋ تۋرالى شەشىم قابىلدادى.
وتكەن اپتادا 12-17 شىلدە ارالىعىندا الماتىدا 829 نىسان تەكسەرىلدى، ونىڭ 78-ىندە بەلگىلەنگەن شەكتەۋلەر انىقتالدى. تەكسەرۋلەر ناتيجەسىندە الماتىلىقتارعا جالپى سوماسى 7،4 ملن تەڭگەدەن استام ايىپپۇل سالىندى. كوبىنەسە بۇزۋشىلىقتار المالى، ناۋرىزباي جانە مەدەۋ اۋداندارىندا انىقتالۋدا.
مىسالى، 14 شىلدەگە قاراعان ءتۇنى 60-قا جۋىق كەلۋشى المالى اۋدانىنىڭ Tandoor مەيرامحاناسىندا بولدى. سول ءتۇنى «پلوۆ حانا» كافەسىندە بۇزۋشىلىقتار انىقتالدى.
15 شىلدەدەن 16 شىلدەگە قاراعان ءتۇنى مەدەۋ اۋدانىنداعى 60 ادام بولعان «ماۋي» كافەسىندە كارانتيندىك تالاپتار بۇزىلدى جانە ناۋرىزباي اۋدانى دوسمۇحانبەتوۆ كوشەسىندەگى جەكە ۇيدە ەلۋدەن استام قوناق بولعان سالتاناتتى شارا وتكىزۋ فاكتىسى انىقتالدى.
ەڭ كوپ ءتارتىپ بۇزۋشىلىق 17 شىلدەگە قاراعان ءتۇنى مەدەۋ اۋدانىنداعى 150 ادام بولعان «لەيت نايت شوۋ» بارىندا انىقتالدى. ءدال سول ءتۇنى ءموبيلدى توپ «بحب» بارىندا بۇزۋشىلىقتاردى تىركەدى، مۇنداعى ادام سانى الدىڭعىداعىداي.
بۇدان وزگە، «لەيت نايت شوۋ» بارى 18 شىلدەدە قايتادان مونيتورينگتىك توپتىڭ ەسەبىنە ەندى، تەكسەرۋشىلەر بىردەن جۇزدەگەن ءتارتىپ بۇزۋشىلارمەن پروفيلاكتيكالىق اڭگىمە جۇرگىزۋگە ءتيىس بولدى. ساعات 2.00 شاماسىندا بۇرىن كارانتيندىك تالاپتاردى بىرنەشە رەت بۇزعان «اتموسفەرا» بارىندا جۇمىس رەجيمىنىڭ بۇزىلعاندىعى انىقتالدى.
ايتپاقشى، وتكەن دەمالىس كۇندەرى الماتىدا تەكسەرۋشىلەر كاسىپكەرلەر جاساعان 27 زاڭ بۇزۋشىلىقتى تىركەدى. بارلىق فاكتىلەر بويىنشا اۋدانداردىڭ سانيتارلىق-ەپيدەميولوگيالىق باقىلاۋ بولىمدەرىنە بەرۋ جانە ودان ءارى تەرگەۋ ءۇشىن اكىمشىلىك ماتەريالدار جيناقتالدى.
الماتىداعى كۆي-دىڭ تارالۋىن بولدىرماۋ جونىندەگى قالالىق شتاب مەگاپوليستىڭ كەيبىر مەكەمەلەرى كوپتەگەن وتىنىشتەردىڭ، ەسكەرتۋلەردىڭ بولعانىنا جانە اكىمشىلىك جاۋاپكەرشىلىككە تارتىلعاندارىنا قاراماستان، جۇمىس رەجيمىن ساقتاۋ جونىندەگى تالاپتارعا نەمقۇرايدى قارايتىندىقتارىن اتاپ ءوتتى. تەكسەرۋشىلەر كوبىنەسە كەلۋشىلەردىڭ رۇقسات ەتىلگەن سانىن، جاپپاي ءىس-شارالاردى جانە مەكەمە قىزمەتكەرلەرىنىڭ ماسكا رەجيمىن ساقتاماۋىن تىركەيدى. سونىمەن قاتار، كوپتەگەن مەكەمەلەر اshyq جوباسىمەن جاساعان كەلىسىمدى العا تارتادى. ال شىن مانىسىندە قوسىمشا دەرت جۇقتىرعانداردى انىقتاۋ ءۇشىن قولدانىلمايدى.
الماتىلىقتاردى سانالى تۇردە قاۋىپسىزدىكتى ساقتاۋعا، كوپ ادامدار جينالعان ورىندارعا بارماۋعا شاقىرادى. دەمالىس جانە مەرەكە كۇندەرىن ۇيدە ۆيرۋستىڭ تارالۋىن جانە جۇعۋىن بولدىرماۋ ءۇشىن وتباسىمەن بىرگە وتكىزگەن ءجون. وسى شارالار، ونىڭ ىشىندە ۆاكسينالانۋ بارلىق كاسىپكەرلەرگە داعدارىستان تەزىرەك شىعۋعا مۇمكىندىك بەرەدى.
الماتى قالالىق قوعامدىق دەنساۋلىق باسقارماسىنىڭ مالىمەتتەرى بويىنشا، وتكەن تاۋلىكتە كوروناۆيرۋس ينفەكسياسىنىڭ 798 جاعدايى تىركەلدى، ونىڭ 706- ى سيمپتومدى. ينفەكسيالىق ستاسيونارلاردا 2878 ادام جاتىر، ونىڭ 209-ى بالالار. رەانيماسيا جانە ينتەنسيۆتى تەراپيا بولىمىندە 178 ناۋقاس ەمدەلۋدە، 29 ادام ءوجج اپپاراتىنا قوسىلعان، 54 ناۋقاس ءينۆازيۆتى ەمەس ءوجج اپپاراتىندا. بۇگىندە 5091 ناۋقاس ۇيدە، الماتىلىق دارىگەرلەردىڭ باقىلاۋىندا، ونىڭ 4692ء-سى دەرتتىڭ جەڭىل جانە ورتاشا اۋىر دارەجەسىندە.