قازاقستان جازۋشىلار وداعىندا ورىس ادەبيەتى جانە ادەبي بايلانىستار جونىندەگى كەڭەستىڭ وتىرىسى ءوتتى، دەپ حابارلايدى aqshamnews.kz
جينالىستى كەڭەس ءتوراعاسى ۆاسيليي شۋپەيكين اشىپ، كۇن تارتىبىندەگى ماسەلەلەردى تانىستىردى. جيىنعا قازاقستان جازۋشىلار وداعى باسقارما ءتوراعاسىنىڭ ورىنباسارى قاسىمحان بەگمانوۆ قاتىسىپ، جانرلىق كەڭەستىڭ ماقسات مۇددەسىنە توقتالىپ، كەڭەس مۇشەلەرى قويعان سۇراقتارعا جاۋاپ بەردى. سونداي-اق قازاقستان جازۋشىلار وداعىنىڭ بيىلعى جىلعى اتقاراتىن جۇمىستارى جايلى تارقاتىپ ايتىپ ءوتتى.
وتىرىس بارىسىندا كەڭەس مۇشەلەرىنىڭ قىزمەتتىك مىندەتتەرى ناقتى ءبولىنىپ، ولاردىڭ اتقاراتىن جۇمىستارى جۇيەلەندى. سونىمەن قاتار، قاڭتار ايىندا اتقارىلعان جۇمىستار بويىنشا ەسەپ بەرىلىپ، تالانتتى جاستاردى قازاقستان جازۋشىلار وداعىنا قابىلداۋ ماسەلەلەرى تالقىلاندى.
كەڭەس مۇشەلەرى جاس قالامگەرلەردى قولداۋ جانە ولاردىڭ شىعارماشىلىق دامۋىنا جاعداي جاساۋ باعىتىندا بىرلەسكەن جۇمىستار جۇرگىزۋ تۋرالى كەلىسىمگە كەلدى. جينالىسقا كەڭەس ءتوراعاسىنىڭ ورىنباسارلارى ۆالەريي تولماچيەۆ، سۆەتلانا انانيەۆا، كەڭەس حاتشىسى ليۋدميلا لازاريەۆا، سونداي-اق كەڭەس مۇشەلەرى ەرۇلان قاناپيانوۆ، ساعىنكەرەي بايمەنوۆ، نادەجدا چەرنوۆا، كارينا گالاي، اناستاسيا كيريلەنكو جانە ميحايل زەمسكوۆ قاتىسىپ ءسوز سويلەدى.