ساعات 09:30-داعى جاعداي بويىنشا كوممۋنالدىق قىزمەتتىڭ جۇمىسى بويىنشا اقپارات
الماتى قالاسىندا ساعات 04.00-دەن باستالعان جاڭبىر اراكىدىك توقتاپ 17 ءساۋىردىڭ تاڭىنا دەيىن جالعاسادى. «قازگيدرومەت» رمك مالىمەتىنشە، ساعات 09:00-دە قالادا 14 مم، مەدەۋدە 21 مم، كامەنسك ۇستىرتىندە 28 مم جاۋىن-شاشىن تۇسكەن، دەپ حابارلايدى almaty-akshamy.kz
تج بويىنشا جەدەل كەزەكشىنىڭ اقپاراتىنشا ساعات 09:00-دەگى جاعداي بويىنشا سۋ جينالاتىن 12 ۋچاسكە (جەكە تۇرعىن ۇيلەردىڭ اۋلاسىندا 6 جاعداي، كوشەلەردە 6 جاعداي) تىركەلدى، ولار جەدەل جويىلدى. وعان ارىق جەلىلەرىنىڭ بىتەلۋى سەبەپ بولعان.
كۇندىزگى اۋىسىمعا 425 بىرلىك ارنايى تەحنيكا جانە 802 جۇمىسشى جۇمىلدىرىلدى. موتوپومپا، تازالاۋشى زاتتارمەن جانە باسقا دا قاجەتتى شانس قۇرالدارىمەن جاراقتاندىرىلعان 52 جەدەل ءموبيلدى بريگادا جول استىنداعى ارىق ارقىلى سۋدىڭ كەدەرگىسىز اعىپ كەتۋىن قامتاماسىز ەتۋ جانە پروبلەمالىق ۋچاسكەلەردەگى سۋ تاسقىنىن جويۋ ءۇشىن كەزەكشىلىك ۇيىمداستىرىلدى. 2،3 مىڭ قاپ قۇم دايىندالدى. اۋدان اكىمدىكتەرىندە جۇمىستى باقىلاۋ ءۇشىن تاۋلىك بويى كەزەكشىلىك ۇيىمداستىرىلدى.