جەدەل جانە تەرگەۋ شارالارى جالعاسىپ جاتىر
ۇلتتىق قاۋىپسىزدىك كوميتەتىمەن جاپپاي تارتىپسىزدىك پەن تەرروريستىك اكتىگە قاتىسقانداردى ۇستاۋ جانە جاسالىنعان قىلمىستاردىڭ سەبەپتەرىن انىقتاۋ بويىنشا كەشەندى ءىس-شارا جۇزەگە اسىرۋ كەزىندە 4 مەن 8 قاڭتار ارالىعىندا الماتى قالاسىنداعى جاپپاي تارتىپسىزدىككە قاتىسقان 2 ەكسترەميستىك توپ قۇرىقتالدى، دەپ حابارلايدى Almaty-akshamy.kz ق ر ۇقك باسپا ءسوز قىزمەتىنە سىلتەمە جاساپ.
ۆەدومستۆو مالىمەتىنشە، 9 قاڭتاردا ەكسترەميستىك ارەكەتكە الداپ-ارباۋ، ەكسترەميستىك ۇيىمعا باسشىلىق ەتۋ جانە وعان قاتىسۋ، سونداي-اق جاپپاي قۇقىققا قايشى اكسيالاردى جۇرگىزۋ كۇدىگىمەن ءبىر ۇياشىقتىڭ 4 مۇشەسى ۇستالدى.
تۇرعىلىقتى مەكەندەرىن تەكسەرۋ بارىسىندا اتىلاتىن قارۋ، دىبىس-جارىق گراناتالار، وق-دارىلەر جانە ءدىني ادەبيەتتەر زاتتاي ايعاق رەتىندە تاركىلەندى.
ۇيىم جەتەكشىسى حالىقارالىق تەرروريستىك ۇيىممەن بايلانىسى بار، جاپپاي تارتىپسىزدىككە بەلسەندى تۇردە ات-سالىسقان شەتەل ازاماتى بولىپ تابىلادى.
تەرگەۋ تۇجىرىمى بويىنشا، ول قازاقستانعا جاپپاي قۇقىققا قايشى اكسيالاردى دايىنداپ، سونداي-اق بيلىك ورگاندارى مەن قارۋلى قۇرىلىمدارعا شابۋىل جاساۋ ءۇشىن كەلگەنى انىقتالدى.
وعان وسى ماقساتتا كومەك بەرۋشىلەردى ىزدەستىرۋ ۇيىمداستىرىلدى. تەرگەۋ مۇددەسىنە سايكەس، كەيبىر اقپاراتتار جاريالاۋعا جاتپايدى.
جەدەل جانە تەرگەۋ شارالارى جالعاسىپ جاتىر.
سونىمەن قاتار، كەيبىر باق-تا جانە الەۋمەتتىك جەلىلەردە ق ر ۇقك الماتى قالاسى بويىنشا دەپارتامەنتىنەن قارۋ-جاراقتار، وق-دارىلەر، باسقا دا مۇلىكتەر ۇرلانعانى جايىندا تارالعان اقپاراتتار - جالعان.
تەرروريستىك ءقاۋىپتىڭ "قىزىل" دەڭگەيىنىڭ تالاپتارىنا سايكەس، دەپارتامەنت كۇشەيتىلگەن تارتىپتە قىزمەت اتقارىپ جاتىر.