وڭىرلىك كوممۋنيكاسيالار قىزمەتىنىڭ الاڭىندا ق ر IIM الماتى اكادەمياسىنىڭ كاسىبي دايارلىق فاكۋلتەتى باستىعىنىڭ ورىنباسارى، پوليسيا پولكوۆنيگى ءادىل تۋلماعانبەتوۆتىڭ قاتىسۋىمەن بريفينگ ءوتتى، ول وقۋعا ءتۇسۋ كەزىندەگى نەگىزگى تالاپتار تۋرالى ايتىپ بەردى، دەپ حابارلايدى اlmaty-akshamy.kz.
ماقان ەسبولاتوۆ اتىنداعى ق ر ءىىم الماتى اكادەمياسى ق ر ىشكى ىستەر مينيسترلىگىنىڭ جەتەكشى وقۋ ورىندارىنىڭ ءبىرى بولىپ تابىلادى.
اكادەميا «قۇقىق قورعاۋ قىزمەتى»، «كيبەرقاۋىپسىزدىكتى قامتاماسىز ەتۋ»، «ءىىو- ءىت كريميمناليستيكالىق قامتاماسىز ەتۋ»، «اقپاراتتىق جۇيەلەر جانە تەحنولوگيالار» باعىتتارى بويىنشا ماماندار دايارلايدى.
“ءبىزدىڭ وقۋ ورنىمىز بىرنەشە باعىتتار بويىنشا مامانداردى دايارلاۋعا باعىتتالعان: كيبەرقىلمىستارعا قارسى كۇرەستى جۇرگىزەتىن بولىمشەلەر ءۇشىن، جەدەل-ىزدەستىرۋ قىزمەتىن جۇزەگە اسىرۋ، ءىىو ءىت- كريميناليستيكالىق قىزمەتىن قامتاماسىز ەتۋ، سونداي – اق تەحنيكالىق باعىتتار ءۇشىن-اقپاراتتىق جۇيەلەر (دەرەكتەر بازاسى)”، - دەدى ءادىل تۋلماعانبەتوۆ.
اكادەميادا وقۋدىڭ ارتىقشىلىعى رەتىندە ول مىنالاردى اتاپ ءوتتى:
- مەملەكەتتىك تاپسىرىس نەگىزىندە وقۋعا قابىلداۋ جانە وقىتۋ، جايلى جابدىقتالعان جاتاقحانادا تۇرۋ، زاماناۋي تەحنيكامەن جابدىقتالعان اۋديتوريالاردا وقۋ، ستيپەنديا الۋ، تاماقپەن، وقۋعا قاجەتتى كيىم-كەشەكپەن قامتاماسىز ەتۋ، مەديسينالىق قىزمەت كورسەتۋ، تەگىن سپورت سەكسيالارى (ترەناجەر جانە كۇرەس زالدارى، سونداي-اق وليمپيادالىق ستاندارتتارعا ساي كەلەتىن بوكس رينگى)، تۇرعىلىقتى جەرىنە تەگىن جول ءجۇرۋ جانە كەرى قايتۋ (پوەزدبەن)؛
- كۇندىزگى وقۋ نىسانى بويىنشا وقۋ مەرزىمى مەرزىمدى اسكەري قىزمەت وتكەرۋگە تەڭەستىرىلەدى؛
- تولىق وقۋ كۋرسىن اياقتاعان ءاربىر تۇلەك 100% جۇمىسقا ورنالاسادى؛
– وقۋدى اياقتاعاننان كەيىن تۇلەكتەرگە «ۇلتتىق قاۋىپسىزدىك جانە اسكەري ءىس باكالاۆرى» جانە «اقپاراتتىق-كوممۋنيكاسيالىق تەحنولوگيالار سالاسىنداعى باكالاۆر» بىلىكتىلىگى تاعايىندالىپ، مەملەكەتتىك ۇلگىدەگى ديپلوم بەرىلەدى، سونداي-اق "پوليسيا لەيتەنانتى" ارنايى اتاعى بەرىلەدى.
قۇقىق قورعاۋ ورگاندارىنىڭ ءبىلىم بەرۋ ۇيىمدارىندا باكالاۆريات باعدارلامالارى بويىنشا وقۋعا ورتا ءبىلىمى بار، ون التى جاسقا تولعان قازاقستان رەسپۋبليكاسىنىڭ ازاماتتارى قابىلدانادى. ول ءۇشىن:
وقۋعا اقپان-مامىر ايلارى ارالىعىندا وقۋعا ءتۇسۋشى تۇرعىلىقتى جەرى بويىنشا پوليسيا بولىمىنە جۇگىنۋى نەمەسە تىكەلەي قابىلداۋعا ءتيىستى قۇجاتتاردى راسىمدەۋ ءۇشىن الماتى اكادەمياسىنىڭ سايتىنا https://alpolac.edu.kz/ سىلتەمەسى بويىنشا كىرۋى قاجەت. وقۋعا ءتۇسۋ ءۇشىن اعىمداعى جىلدىڭ مامىر-شىلدە ايلارى ارالىعىندا وتەتىن ۇلتتىق ءبىرىڭعاي تەستىلەۋدى تاپسىرۋ قاجەت.
«قۇقىق قورعاۋ قىزمەتى»، «كيبەرقاۋىپسىزدىكتى قامتاماسىز ەتۋ»، «ءىىو- ءىت كريميمناليستيكالىق قامتاماسىز ەتۋ» ءبىلىم بەرۋ باعدارلاماسى بويىنشا وقۋعا تۇسۋشىلەر ءۇشىن (شىعارماشىلىق ەمتيحاننان باسقا) كەز كەلگەن ەكى بەيىندىك ءپاندى تاڭداۋعا بولادى.
"اقپاراتتىق جۇيەلەر جانە تەحنولوگيالار" ءبىلىم بەرۋ باعدارلامالارى بويىنشا وقۋعا تۇسۋشىلەر ءۇشىن ەكى بەيىندىك ءپان تاڭدالۋى ءتيىس 1. "ماتەماتيكا" جانە 2. "فيزيكا".
كونكۋرسقا قاتىسۋ ءۇشىن كەمىندە 50 بالل، ونىڭ ىشىندە ءاربىر ءپان بويىنشا كەمىندە 5 بالل جيناۋ قاجەت، سونىمەن قاتار «وقۋ ساۋاتتىلىعى جانە ماتەماتيكالىق ساۋاتتىلىق» شەكتى بالل كەمىندە 3 بالل جيناۋ قاجەت.
وكق سپيكەرى ۇبت، مەديسينالىق كۋالاندىرۋدان ءساتتى وتكەن ادامدار مەديسينالىق جانە فيزيكالىق كورسەتكىشتەردىڭ ناتيجەلەرىن ەسكەرە وتىرىپ، ۇبت بالدارىنا سايكەس كونكۋرسقا قاتىسۋ ءۇشىن ءىىم الماتى اكادەمياسىنا شاقىرىلاتىنىن اتاپ ءوتتى.
“قازاقستان رەسپۋبليكاسى ۇلتتىق ۇلانى قاتارىندا جەدەل اسكەري قىزمەت وتكەرگەن، ۇمىتكەرلەر ءۇشىن بەلگىلەنگەن تالاپتار بويىنشا شەكتى بالل جيناعان، ۇبت ناتيجەلەرى بويىنشا 100 جانە ودان جوعارى بالل جيناعان تۇلعالار، سپورت شەبەرلەرى، قىزمەتتىك مىندەتتەرىن اتقارۋ كەزىندە قازا تاپقان پوليسيا قىزمەتكەرلەرىنىڭ بالالارى كونكۋرسسىز قابىلدانادى”، - دەپ اتاپ ءوتتى ءادىل تۋلماعانبەتوۆ.
دەنە شىنىقتىرۋ كورسەتكىشتەرى بويىنشا ۇمىتكەرلەردى ىرىكتەۋ كەلەسى سپورتتىق جاتتىعۋلاردى ورىنداۋ ناتيجەسىنەن جۇرگىزىلەدى:
- 100 مەترگە جۇگىرۋ (ۇلدار، قىزدار)؛
- 1000 مەترگە جۇگىرۋ (كروسس) (ۇلدار، قىزدار)؛
- تۋرنيككە تارتىلۋ (ۇلدار)؛
- 1 مينۋت بويى شالقاسىنان جاتىپ دەنەنى كوتەرۋ. (قىزدار).
وقۋعا ءتۇسۋ تۋرالى تولىق اقپاراتتى ءىىم اكادەمياسىنىڭ سايتىنان نەمەسە +7-708-684-49-70 (WhatsApp)، +7-775-930-55-88 (WhatsApp) تەلەفوندارى ارقىلى بىلۋگە بولادى.