الماتىدا «تازا قازاقستان» جالپى رەسپۋبليكالىق اكسياسى اياسىندا ءوتەتىن جانە جازدا «الماتى – ءبىزدىڭ ورتاق ءۇيىمىز» ناۋقانىنىڭ جالعاسى بولىپ تابىلاتىن «الماتى جازى» اكسياسى جالعاسۋدا، دەپ حابارلايدى اlmaty-akshamy.kz.
ناۋقان بارىسىندا 26 ماۋسىم مەن 6 شىلدە ارالىعىندا ۇزىندىعى 1525 كم ارىق جەلىلەرىن تازارتۋ جۇمىستارى كۇشەيتىلدى.
«الماتى تازالىق» مكك-مەن بىرگە ارىقتاردى تازارتۋعا 6 مەردىگەر ۇيىم جۇمىلدىرىلدى. جۇمىسقا كۇندەلىكتى 54 بىرلىك ارنايى تەحنيكا مەن 720 جۇمىسشى شىعادى. كۇن سايىن مەردىگەر ۇيىمدار ارىق جەلىلەرىنەن 250 م3 بالشىق جانە ت.ب. قوقىستار شىعارادى.
جاۋىن-شاشىن كەزىندە ارىق جەلىلەرى ارقىلى سۋدىڭ كەدەرگىسىز اعىپ قامتاماسىز ەتۋ جانە سۋ باسۋدىڭ الدىن الۋ ءۇشىن موتوپومپالارمەن، باگرالارمەن جانە باسقا دا شانس قۇرالدارىمەن جابدىقتالعان 52 جەدەل ءموبيلدى بريگادا كەزەكشىلىككە شىعادى. 
ەستەرىڭىزگە سالا كەتەيىك، «قالالار مەن ەلدى مەكەندەردىڭ اۋماقتارىن اباتتاندىرۋ ەرەجەلەرىن بۇزعانى، سونداي-اق ينفراقۇرىلىم وبەكتىلەرىن قيراتقانى، قالا مەن ەلدى مەكەندەردىڭ جاسىل جەلەكتەرىن جويعانى جانە بۇلدىرگەنى ءۇشىن» الماتى قالاسىندا ق ر اقبتك-نىڭ 505-بابى بويىنشا اكىمشىلىك جاۋاپكەرشىلىك قاراستىرىلعان. الايدا كوممۋنالدىق قىزمەت جۇمىسشالىرا اتاعانداي، ايىپپۇلدارعا قاراماستان، قالالىق ارىق جەلىلەرى كۇن سايىن قوقىس پەن تۇرمىستىق قالدىقتارمەن بىتەلەدى. 
«الماتى جازى» اكسياسى وسى جىلدىڭ 6 شىلدەسىنە دەيىن جالعاسادى. باستى ماقسات ەل اراسىندا جوعارى ازاماتتىق جاۋاپكەرشىلىكتى، ەكولوگيالىق مادەنيەتتى تاربيەلەۋ، جەكە ەكولوگيالىق باستامالاردى قولداۋ جانە ولاردى ىسكە اسىرۋ ءۇشىن جاعداي جاساۋ.