دسم قالالىق سانيتارلىق-ەپيدەميولوگيالىق باقىلاۋ ءبولىمى باسشىسىنىڭ ورىنباسارى سادۋاقاس بايعابىلوۆ الماتىدا دەمالىس كۇندەردەگى لوكداۋن 16 تامىزدا اياقتالاتىنىن ءمالىم ەتتى.
كەلەسى اپتادان باستاپ قالاداعى Ashyq جۇيەسىنىڭ قاتىسۋشىلارى الماتىنىڭ باس سانيتار دارىگەرىنىڭ قاۋلىسىنا بايلانىستى جۇمىس ىستەيدى، دەپ حابارلايدى Almaty-akshamy.kz
مەگاپوليستەگى دەمالىس كۇنگى لوكداۋن 2 تامىزدان 16-سىنا دەيىن سوزىلعان.
ايتا كەتسەك، 14-15 تامىزدا، دەمالىس كۇندەرى ءبىرقاتار نىساندار ءوز جۇمىسىن توقتاتۋى ءتيىس. بۇل شەكتەۋلەر مىنا مەكەمەلەرگە قاتىستى ەمەس:
• ورتالىق مەملەكەتتىك ورگاندار، اكىمدىكتەر، قۇقىق قورعاۋ ورگاندارى، دەنساۋلىق ساقتاۋ ۇيىمدارى، ب ا ق، ازىق-تۇلىك دۇكەندەرى، ءدارىحانالار جانە تىرشىلىكتى قامتاماسىز ەتۋ ۇيىمدارى؛
• قۇرىلىس جۇمىستارىن، ونەركاسىپ ۇيىمدارىن ۇيىمداستىرۋ؛
• بايلانىسسىز قىزمەتتەر (اۆتوجۋۋ، اۆتوموبيلدەردى، تۇرمىستىق تەحنيكانى، ساعاتتاردى، تەلەفونداردى، كومپيۋتەرلەردى، اياق كيىمدەردى جوندەۋ، تىگىن اتەلەسى، كىر جۋۋ ورىندارى، حيميالىق تازالاۋ، كىلتتەردى جاساۋ جانە باسقالار)؛
• گۇل دۇكەندەرى، فوتوسالوندار؛
• تۋركومپانيالار، بيزنەس-ورتالىقتار؛
• قىزمەتتىڭ جەكەلەگەن تۇرلەرى (ساقتاندىرۋ كومپانيالارى، ادۆوكاتتىڭ، نوتاريۋستىڭ، بۋحگالتەردىڭ قىزمەتتەرى جانە باسقالار).
• قوعامدىق تاماقتانۋ وبەكتىلەرى تەك الىپ كەتۋگە جانە جەتكىزۋگە ارنالعان.