بۇل گۇل – جاڭارۋدىڭ، تازارۋدىڭ، مەرەكە باستالۋىنىڭ بەلگىسى.
الماتىدا بايشەشەك گۇلدەدى. قالا تۇرعىندارى الەۋمەتتىك جەلىلەردە گۇل سۋرەتتەرىن بولىسە باستادى، دەپ حابارلايدى Almaty-akshamy.kz Almaty.tv سىلتەمە جاساپ.
بايشەشەك – قىزعالداق تۋىسىنا جاتاتىن كوپ جىلدىق، پيازدى وسىمدىك. بۇل گۇلدىڭ لاتىنشا اتاۋى «گالانتۋس». ول گرەكتىڭ «گالا» - ءسۇت جانە «انتۋس» – گۇل دەگەن سوزىنەن شىققان. ياعني، قازاقشا ءسۇت تامشىسى دەگەن ماعىنا بەرەدى. بايشەشەكتىڭ اپپاق قاۋىزى شىنىندا دا، قاتىپ قالعان ءسۇت تامشىسىنا ۇقسايدى.
بايشەشەك كەز كەلگەن جەردە وسپەيدى. تەك تاۋ شاتقالدارىندا شىعادى.
كوكتەمنىڭ كوركىنە اينالعان بۇل وسىمدىك قۇرامىندا «گالانتامين» ءونىمى بار. زەرتتەۋشىلەردىڭ ايتۋىنشا، بايشەشەك گۇلىنەن السگەيمەر جانە دەمەنسيا اۋرۋىنا شيپا بولاتىن ءدارى جاسايدى.
