بۇگىندە جاستارعا قۇقىقتىق تاربيە بەرۋدىڭ ولاردىڭ بولاشاقتا قۇقىق بۇزۋشىلىقتار مەن قىلمىسقا ۇرىنباي، ومىردەن ءوز ورىندارىن تابۋلارىنا ىقپال ەتەتىنى ءسوزسىز.
وسىعان وراي الماتى قالاسى بويىنشا قىلمىستىق-اتقارۋ جۇيەسى دەپارتامەنتى №11 مەكەمەسىنىڭ ماماندارى الماتى ءسان جانە قىزمەت كورسەتۋ سالاسى كوللەدجىنىڭ ستۋدەنتتەرى اراسىندا "جاسوسپىرىمدەردىڭ قىلمىستىق جاۋاپكەرشىلىگى" اتتى تاقىرىپتا ءدارىس وتكىزدى، دەپ حابارلايدى aqshamnews.kz.
ساباقتىڭ ماقساتى – جەتكىنشەكتەردىڭ قۇقىقتىق ساۋاتىن ارتتىرۋ، مەملەكەت باسشىسىنىڭ ەلىمىزدە "زاڭ جانە ءتارتىپ" قاعيداتىن ءبىرجولا ورنىقتىرۋ تۋرالى تاپسىرماسىن ورىنداۋعا ءۇن قوسۋ. ساباق كەزىندە كوللەدج ستۋدانتتەرى الدىندا الماتى ءسان جانە قىزمەت كورسەتۋ سالاسى كوللەدجى ديرەكتورىنىڭ ورىنباسارى كۇنىماي وماروۆا، №11 مەكەمەنىڭ رەجيم جانە كۇزەت ءبولىمىنىڭ باستىعى ازامات كانافين، مەكەمە باستىعىنىڭ كەزەكشى كومەكشىسى انار مۋستافايەۆ جانە رەجيم جانە كۇزەت ءبولىمىنىڭ باقىلاۋشىسى ازامات مولدابەك ءسوز سويلەپ، بالالارعا قۇقىقتىق جاۋاپكەرشىلىكتىڭ ماڭىزى تۋرالى اڭگىمەلەدى.
ءسوز سويلەگەندەر مەملەكەت باسشىسى قاسىم-جومارت توقايەۆتىڭ "ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم" اتتى قازاقستان حالقىنا جولداۋىندا دا زاڭ مەن ءتارتىپتى ساقتاۋدىڭ ەلىمىزدىڭ ەكونوميكاسىن ارتتىرۋعا تيگىزەتىن وڭ ىقپالى جايلى ايتقاندارىن بالالارعا جان-جاقتى ءتۇسىندىردى. سونىمەن قاتار ولار ستۋدەنتتەردىڭ سۇراقتارعا جاۋاپ بەردى