الماتىداعى اۆتوبۋس اپاتىنا ايىپتى بولعان انەل سارتايەۆا ءۇيقاماققا جىبەرىلدى، دەپ حابارلايدى اlmaty-akshamy.kz.
بۇل تۋرالى ادۆوكات قانات السەيىت ءوزىنىڭ الەۋمەتتىك جەلىسىندە جاريالادى.
ايتا كەتەيىك، 26 ماۋسىمدا الماتى قالاسىندا بولعان اپات كەزىندە 1 ادام قازا تاۋىپ، 16 ادام مەديسينالىق كومەككە جۇگىندى.
تەرگەۋ بارىسىندا ول ەكى ايعا قاماۋعا الىندى. بەلگىلى بولعانداي، ونىڭ ەمىزۋلى بالاسى بار ەكەن. انەل سارتايەۆانىڭ ادۆوكاتى جەكە شاعىم ءتۇسىرىپ، سوت ونى قاناعاتتاندىردى. سارتايەۆا ءۇيقاماقتا بولىپ، بالاسىنا قامقورلىق كورسەتەتىن بولدى.
بۇعان دەيىنگى قاماۋعا الۋ تۇرىندەگى بۇلتارتپاۋ شاراسى جويىلدى. جەكە شاعىم تولىعىمەن قاناعاتتاندىرىلدى. تەرگەۋ كەزىندە انەل ءۇيقاماقتا بولىپ، بالاسىنا قارايتىن بولادى، - دەدى قانات السەيىتوۆ.
اپات كەزىندە قايتىس بولعان جىگىتتىڭ جاقىندارى جەڭىل جازا بەرۋدى سۇراعان.