الماتىدا مۇحتار اۋەزوۆ اتىنداعى مەملەكەتتىك اكادەميالىق تەاتردى قايتا جاڭعىرتۋ جۇمىستارى توقتاتىلدى دەگەن اقپاراتقا بايلانىستى ق ر مادەنيەت جانە اقپارات مينيسترلىگى رەسمي تۇسىنىكتەمە بەردى، دەپ حابارلايدى Aqshamnews.kz ءتىلشىسى.
ۆەدومستۆو مالىمەتىنشە، تەاتردىڭ رەكونسترۋكسياسى توقتاتىلعان جوق. قازىرگى تاڭدا جوبا جاڭا قارجى جىلىنىڭ باستالۋىن كۇتىپ وتىر، ودان كەيىن بەلگىلەنگەن تارتىپپەن جۇمىستاردى جالعاستىرۋعا قاجەتتى قاراجات بولىنەدى.
"ءبىرقاتار بۇقارالىق اقپارات قۇرالدارىندا م. اۋەزوۆ اتىنداعى تەاتردى قايتا جاڭعىرتۋ جۇمىستارىنىڭ باياۋ ءجۇرىپ جاتقانى نەمەسە توقتاتىلىپ تۇرعانى تۋرالى جاريالانعان اقپاراتتارعا بايلانىستى تومەندەگىنى حابارلايمىز. نىساندى قايتا جاڭعىرتۋ جۇمىستارى توقتاتىلعان جوق. قازىرگى ۋاقىتتا جوبا جاڭا قارجى جىلىنىڭ باستالۋىن كۇتۋدە، سودان كەيىن بەلگىلەنگەن تارتىپكە سايكەس جۇمىستاردى جالعاستىرۋ ءۇشىن قاجەتتى قاراجات بولىنەدى. نىسانداعى جوندەۋ جۇمىستارى ۋاكىلەتتى مەملەكەتتىك ورگانداردىڭ تۇراقتى باقىلاۋىندا. م. اۋەزوۆ اتىنداعى تەاتردى قايتا جاڭعىرتۋ ونىڭ تاريحي جانە مادەني قۇندىلىعىن ساقتاۋعا قويىلاتىن بارلىق تالاپتاردى ساقتاي وتىرىپ، تولىق اياقتالاتىن بولادى"، - دەلىنگەن جاۋاپتا.
مينيسترلىك وكىلدەرى نىسانداعى جوندەۋ جانە قايتا قۇرۋ جۇمىستارى ۋاكىلەتتى مەملەكەتتىك ورگانداردىڭ تۇراقتى باقىلاۋىندا ەكەنىن اتاپ ءوتتى. جوبانى ىسكە اسىرۋدىڭ بارلىق كەزەڭى بەكىتىلگەن راسىمدەر مەن نورماتيۆتەرگە سايكەس جۇرگىزىلىپ جاتىر.
سونداي-اق مينيسترلىك تەاتردى جاڭعىرتۋ جۇمىستارى تولىق كولەمدە اياقتالاتىنىن جانە ونىڭ تاريحي ءارى مادەني قۇندىلىعىن ساقتاۋ تالاپتارى قاتاڭ ساقتالاتىنىن مالىمدەدى.