ق ر ىشكى ىستەر ءمينيستردىڭ ورىنباسارى مۇرات بايمۇقاشيەۆ قازا بولعان پوليسيا قىزمەتكەرلەرىنىڭ وتباسىلارىنا باردى
ءىىم باسشىلىعى، ىشكى ىستەر ورگاندارىنىڭ جەكە قۇرامى اتىنان قىزمەتتىك مىندەتىن ورىنداۋ كەزىندە قازا تاپقان پوليسيا قىزمەتكەرلەرىنىڭ تۋىستارى مەن جاقىندارىنا كوڭىل ايتتى. ىشكى ىستەر ءمينيسترىنىڭ قولداۋ حاتى بويىنشا الماتى قالاسىنىڭ اكىمدىگى قازا تاپقان پوليسيا قىزمەتكەرلەرىنىڭ وتباسىلارىنا تۇرعىن ءۇي بەرەدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
سونىمەن قاتار، ىشكى ىستەر ءمينيسترىنىڭ بۇيرىعىمەن ءتارتىپ پەن زاڭدىلىقتى سوڭىنا دەيىن كۇزەتكەن ۋچاسكەلىك ينسپەكتورلار «قۇقىق ءتارتىبىن قامتاماسىز ەتۋگە كوسقان ۇلەسى ءۇشىن» مەدالدارىمەن ماراپاتتالدى.
الاتاۋ اۋداندىق پب جپقب ۋچاسكەلىك ينسپەكتورى، پوليسيا مايورى سۇلەيەۆ دارحان داۋىلباي ۇلى، 1982 جىلى تۋعان، ق ر ءىىم الماتى اكادەمياسىنىڭ ماگيستراتۋراسىن بىتىرگەننەن كەيىن 2003 جىلدان باستاپ ىشكى ىستەر ورگاندارىندا قىزمەت ەتتى. 2021 جىلدىڭ تامىزىندا ۋچاسكەلىك ينسپەكتور لاۋازىمىنا تاعايىندالعان ەدى. ءىىو قىزمەت ەتكەن جىلدار ىشىندە ول 6 ماراپاتقا يە بولدى، ونىڭ ىشىندە «ىشكى ىستەر ورگاندارىنداعى ءمىنسىز قىزمەتى ءۇشىن» 3-دارەجەلى مەدالىمەن، سونداي-اق «قازاقستان پوليسياسىنا 25 جىل» توسبەلگىسىمەن ماراپاتتالدى. ۇيلەنگەن، كامەلەتكە تولماعان بەس بالاسى بار.
الاتاۋ اۋداندىق پب جپقب ۋچاسكەلىك ينسپەكتورى، پوليسيا كاپيتانى بايعازييەۆ نۇربول نازارباي ۇلى، 1988 جىلى تۋعان، ىشكى ىستەر ورگاندارىندا 2014 جىلدان بەرى قىزمەت ەتكەن. ول 13 ماراپاتقا يە بولدى، ونىڭ ىشىندە «ۇزدىك قۇتقارۋشى جاۋىنگەر» جانە «قازاقستان پوليسياسىنا 25 جىل» توسبەلگىلەرىمەن ماراپاتتالدى. ۇيلەنگەن، كامەلەتكە تولماعان ەكى بالاسى بار.
بۇعان دەيىن الماتى قالاسىنىڭ اكىمى باقىتجان ساعىنتايەۆ ولاردىڭ وتباسىنا ءتيىستى كومەك كورسەتىلەتىنى تۋرالى ايتقان بولاتىن. كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.
ايتا كەتەيىك، وسىعان دەيىن الماتىدا اتىس بولىپ، 5 ادام قازا تاپتى. اتالعان جاعداي بويىنشا سوتقا دەيىنگى تەرگەۋ امالدارى باستالدى. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.