وجەت شاعىناۋدانىندا 1،1 شاقىرىم ورتاشا جول جوندەۋ جۇمىسى جۇرگىزىلدى
الماتى اكىمىمەن وتكەن كەزدەسۋدىڭ ماڭىزى زور. بۇگىن ءبىراۋىزدان وسىنداي پىكىر ايتقان الاتاۋ اۋدانىنىڭ تۇرعىندارى قالا باسشىسىنا ريزاشىلىقتارىن ءبىلدىردى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ويتكەنى دىتتەگەندەرىنە جەتىپ، سۇراعاندارى الدىنان تابىلعان. بۇگىننىڭ وزىندە كەزدەسۋدە كوتەرىلگەن 90 شاقتى سۇراقتىڭ 70ء-سى شەشىلگەن.
الاتاۋ اۋدانىنا قاراستى جادىگەر كوشەسىندە جۇرگىنشىلەرگە ارنالعان تروتۋار جوق. كەسىرىنەن ويىن بالالارى ءۇشىن مۇندا سەرۋەندەۋ تۇرماق، جولدا ءجۇرۋدىڭ ءوزى ءقاۋىپتى ەدى. وعان قوسا، اسفالت ابدەن ەسكىرگەندىكتەن، كوپ جەرى شۇرىق تەسىك بولعان. ەندى ءقازىر بۇل ماڭ تاقتايداي تەپ-تەگىس. الاتاۋ اۋدانى اكىمدىگى جادىگەر كوشەسىنەن باستاپ № 184 مەكتەپكە دەيىنگى ارالىققا ورتاشا جول جوندەۋ جۇمىستارىن جۇرگىزگەن.
«مىنا جولدى جوندەپ بەرىپ جاتىر. ادام جۇرە المايتىن. اللاعا شۇكىر، مىنە تروتۋار جاسادى. قانشا ەڭبەك. تاڭنىڭ اتىسى، كۇننىڭ باتىسىنا دەيىن جۇمىس ىستەپ جاتىر. اللادان قايتسىن! «جاقسىنىڭ جاقسىلىعىن ايت، نۇرى تاسىسىن» دەيدى. اسفالت توسەگەن كەزدە كىسىلەر ساعات 23:00-گە دەيىن جۇمىس ىستەدى»، – دەدى قالا تۇرعىنى كەنجەباي حاسەن.
جول ماسەلەسى وجەت شاعىناۋدانىندا دا بولعان. وسىعان دەيىن ەلدى-مەكەندى ورتالىق سۋ جانە كارىز جۇيەسىنە جاپپاي قوسۋ ءۇشىن قۇبىر جۇرگىزىلدى. جۇمىس ءجۇرۋ ءۇشىن جەر قازىلىپ، حالىققا ءبىراز ۋاقىت قولايسىزدىق تۋدىرعانى راس. ەندى بارلىق ءتيىستى جۇيە تارتىلعان سوڭ اكىمدىكتەگىلەر كوشەلەرگە اسفالت توسەدى.
«باتپاق بولادى. ماشينامەن جۇرۋگە، بالالار ويناۋعا ەشقانداي مۇمكىندىك بولماعان. ءقازىر اسفالت توسەلدى. دۇرىس بولدى»، – دەدى قالا تۇرعىنى اپپاز دۇيسەيەۆ.
«كوشەنى جوندەپ بەردى. ءسوزىمىزدى جەرگە قالعان جوق، ايتىلدى، ورىندالدى. ءبىز قۋانىشتىمىز. العىس ايتامىز»، – دەدى قالا تۇرعىنى ارزىگۇل گاپپاروۆا.
«وجەت شاعىناۋدانىندا 1،1 شاقىرىم ورتاشا جول جوندەۋ جۇمىسى جۇرگىزىلدى. بيىل وجەت شاعىناۋدانىن 100 پايىز قامتىلدى»، – دەدى الاتاۋ اۋداندىق كوممۋنالدى شارۋاشىلىق ءبولىمىنىڭ باس مامانى قۋاتبەك ماقاشيەۆ.
اتا-انانىڭ دا جان ايقايى ەسكەرۋسىز قالمادى. جولدى ءجيى كەسىپ وتەتىن وقۋشىلاردىڭ قاۋىپسىزدىگى ءۇشىن الاتاۋ اۋدانىندا ءقازىردىڭ وزىندە 6 باعدارشام ورناتىلدى. سونىڭ تورتەۋى مومىش ۇلى كوشەسىنە قويىلعان. «كەزدەسۋدە كوتەرىلگەن ماسەلەلەردىڭ ەشقايسىسى ەسكەرۋسىز قالمايدى» دەيدى الاتاۋ اۋدانى اكىمدىگى.