الماتىداعى اباي داڭعىلىنداعى جوندەۋ جۇمىستارى جالعاسۋدا: بۇگىن داڭعىلدىڭ سولتۇستىك جاعىنداعى ۋچاسكە جابىلادى 

الماتىدا اباي داڭعىلىنىڭ كولىك ماگيسترالى بويىنشا جول جۇمىستارى كەستەگە سايكەس جۇرگىزىلىپ، وقۋ جىلى باستالعانعا دەيىن اياقتالادى.

قازىرگى ۋاقىتتا دوستىق داڭعىلىنان ناۋرىزباي باتىر كوشەسىنە دەيىن باتىس باعىتتا جانە تىلەندييەۆ كوشەسىنەن اۋەزوۆ كوشەسىنە دەيىن شىعىس باعىتتا جوندەۋ جۇمىستارى اياقتالىپ، قوزعالىس اشىلدى، دەپ حابارلايدى Almaty-akshamy.kz.

كەلەسى كەزەڭ-اباي داڭعىلىنداعى ناۋرىزباي باتىر كوشەسىنەن بايتۇرسىن ۇلى كوشەسىنە دەيىنگى ۋچاسكەدەگى ورتاشا جوندەۋ. جول قوزعالىسىنىڭ قاۋىپسىزدىگىن قامتاماسىز ەتۋ ءۇشىن 15 شىلدەدەگى ساعات 23-00-دەن 17 شىلدەدەگى ساعات 06-00-گە دەيىن داڭعىلدىڭ سولتۇستىك جاعىمەن تولىق جابىلاتىن پوليمەرلى اسفالتبەتون توسەۋ جۇمىستارى جۇرگىزىلەتىن بولادى.
جابىق ۋچاسكەنى اينالىپ ءوتۋ شيەۆچەنكو كوشەسى، قۇرمانعازى كوشەسى، بايتۇرسىن ۇلى كوشەسى، سەيفۋللين داڭعىلى، ناۋرىزباي باتىر كوشەسى جانە ساتبايەۆ كوشەسى ارقىلى جۇزەگە اسىرىلادى. ناۋرىزباي باتىر كوشەسى، سەيفۋللين داڭعىلى، بايتۇرسىنوۆ كوشەسى بويىنداعى كولىكتىڭ وتپەلى قوزعالىسى كۇندىزگى ۋاقىتتا قولجەتىمدى بولادى.
15 شىلدە ساعات 23-00-دەن 17 شىلدە ساعات 06-00-گە دەيىن ماسانشى كوشەسىنەن وڭتۇستىك باعىتتا اباي داڭعىلىنا ءوتۋ شەكتەلەدى، اينالما جول قۇرمانعازى كوشەسى مەن شيەۆچەنكو كوشەسى بويىنشا ۇيىمداستىرىلادى.

جول-كولىك وقيعالارىن بولدىرماۋ جانە جول قوزعالىسىن ۇيىمداستىرۋ ءۇشىن جوعارىدا اتالعان كوشە ۋچاسكەسىندە پاترۋلدىك پوليسيا پولكىنىڭ 3 ەكيپاجى جۇمىلدىرىلاتىن بولادى.

جوندەۋ جۇمىستارىن جۇرگىزۋ ۋچاسكەلەرى تۋرالى وزەكتى اقپارات قالا اكىمدىگى مەن قالالىق موبيلدىلىك باسقارماسىنىڭ رەسمي بەتتەرىندە، سونداي-اق گاج 2-قوسىمشاسىندا قولجەتىمدى بولادى.

ەستەرىڭىزگە سالا كەتەيىك، الماتىداعى ماگيسترالدىق كوشەلەردىڭ جول توسەمىن جوندەۋ جۇمىستارى العاش رەت جاڭا تەحنولوگيالاردى قولدانۋمەن جۇرگىزىلۋدە. اسفالتبەتونداردىڭ قۇرامىندا پوليمەرلەر قولدانىلادى. مۇنداي قوسپالار توزۋعا ءتوزىمدى، جۇمسارتۋ تەمپەراتۋراسى جوعارى (65-70°C)، سوندىقتان ىستىققا كوپ اسەر ەتپەستەن وڭاي توتەپ بەرە الادى، الدەقايدا ۇزاعىراق قىزمەت ەتەدى – قازىرگى 5 جىل جۇمىس ىستەۋدىڭ ورنىنا 8-10 جىل.

جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلۋدە. ۋاقىتشا قولايسىزدىقتار ءۇشىن كەشىرىم سۇرايمىز. بۇل قالانىڭ جولدارى بىزگە ۇزاعىراق قىزمەت ەتۋى ءۇشىن قاجەتتى شارا. مارشرۋتتى الدىن الا تۇزەتۋدى سۇرايمىز.