بۇل تۋرالى الماتى قالاسىنىڭ №8 ەمحاناسىنىڭ باس دارىگەرى فاريدا اعىبايەۆا مالىمدەدى. ونىڭ ايتۋىنشا، ىندەت جالعاسۋدا جانە قالا تۇرعىندارى كوروناۆيرۋستىڭ جاڭا اگرەسسيۆتى جانە بەلسەندى تۇردە تارالۋىنا تاپ بولدى. سوندىقتان سانالى الماتىلىقتار ۆاكسيناسيا ارقىلى وزدەرىن جانە جاقىندارىن بارىنشا قاۋىپسىزدەندىرۋگە تىرىسادى، دەپ حابارلايدى almaty-akshamy.kz
الماتىداعى №8 قالالىق ەمحانادا ءۇش ەگۋ كابينەتى جانە ءۇش كوشپەلى ءموبيلدى بريگادا جۇمىس ىستەيدى.
«جالپى، ۆاكسينالاۋدى رۇقساتى بار 36 دارىگەردەن تۇراتىن 6 بريگادا جۇرگىزەدى. ەمحانادا ۆاكسينالاۋ پورتال ارقىلى جازىلۋ بويىنشا جۇرگىزىلەدى egov.kz سونداي-اق كەزەك تارتىبىندە، ءۇزىلىسسىز جانە دەمالىسسىز ساعات 8:00-دەن 20:00-گە دەيىن»، - دەدى فاريدا اعىبايەۆا.
ۆاكسينالاۋدىڭ ءاربىر كابينەتى ۆاكسينالاردى ساقتاۋ مەن تاسىمالداۋدىڭ سانيتارلىق نورمالارىنىڭ تالاپتارىنا سايكەس جابدىقتالعان، ۆاكسينالاناتىن ازاماتتار ءۇشىن بارلىق قاجەتتى جاعدايلار جاسالعان.
كۇنىنە ەگۋ پۋنكتتەرىنە 300 ادام كەلەدى. بۇگىندە №8 ەمحانادا 37 552 ادام ءبىرىنشى كومپونەنتپەن، ال ەكىنشى كومپونەنتپەن 35 345 ادام ەكپە الدى.
فاريدا اعىبايەۆ كوروناۆيرۋسقا قارسى ەكپە تەگىن ەكەنىن، سوندىقتان دۇرىس شەشىم قابىلداپ، تولىققاندى ءارى بەلسەندى ءومىر ءسۇرۋ كەرەكتىگىن ايتتى.
سونىمەن قاتار، №8 ەمحانادا كۆي اۋرۋىنىڭ سيمپتومسىز، جەڭىل، ورتاشا ءتۇرى بار ناۋقاستاردى مەديسينالىق باقىلاۋ بويىنشا 12 ءموبيلدى توپ قۇرىلدى.
«ءموبيلدى بريگادالار بارلىق قاجەتتى مەديسينالىق جابدىقتارمەن جابدىقتالعان. ءبىزدىڭ ماماندار بيولوگيالىق ماتەريالداردىڭ ۇلگىلەرىن جينايدى، ەمدەۋدى تاعايىندايدى. جەدەل رەسپيراتورلىق اۋرۋ بەلگىلەرى بار جانە COVID-19-عا كۇدىكتى بالالارعا ۇيدە قىزمەت كورسەتىلەدى، 08.00-دەن 20.00-گە دەيىنگى كەزەڭدە ۇيدە وقشاۋلانعان پاسيەنتتەرگە امبۋلاتوريالىق باقىلاۋ جۇرگىزىلەدى، ال 20.00 ساعاتتان كەيىن پاسيەنتتەرگە 4 ساناتتاعى جەدەل مەديسينالىق كومەك كورسەتىلەدى»، - دەپ ءتۇسىندىردى الگوريتمدى فاريدا اعىبايەۆا.
ەمحانادا بارلىق دارى-دارمەكتەر جەتكىلىكتى مولشەردە، انتيكواگۋليانتتار كورسەتكىشتەر بويىنشا تاعايىندالادى جانە تەگىن بەرىلەدى.
ەمدەلىپ شىققان سوڭ №8 ەمحاناعا تىركەلگەن پاسيەنتتەرگە وڭالتۋ شارالارى قاراستىرىلعان.
«باقىلاۋ مەرزىمى ادامنىڭ جالپى جاعدايىنا بايلانىستى جەكە انىقتالادى. كورسەتىلىمدەر بويىنشا امبۋلاتوريالىق جاعدايلاردا پسيحولوگيالىق جانە رەسپيراتورلىق وڭالتۋ نەمەسە بەيىندى ستاسيوناردا ەمدەۋ نە وڭالتۋ جۇرگىزىلەدى. اۋىر نەمەسە اۋىر حالدەگى ناۋقاستارعا، قارت ادامدارعا، سەمىزدىككە شالدىققان پاسيەنتتەرگە، جۇكتى ايەلدەرگە، قاتار جۇرەتىن پاتولوگياسى بار پاسيەنتتەرگە وڭالتۋدىڭ جەكە جوسپارلارى جاسالادى»، - دەپ ناقتىلادى فاريدا اعىبايەۆا.
ەمحانانىڭ باس دارىگەرى الماتىنىڭ بارلىق تۇرعىندارىن بەتپەردە تاعۋعا، ادامدارمەن بايلانىستى ازاايتۋعا، زياندى ادەتتەردەن باس تارتۋعا، سوزىلمالى اۋرۋلاردى دەر كەزىندە ەمدەتۋگە، كۇن سايىن تازا اۋادا ۋاقىت وتكىزۋگە، كۇن ءتارتىبىن ساقتاۋعا شاقىردى.
وسىناۋ قاراپايىم شارالار يممۋندىق جۇيەنى نىعايتۋعا جانە كوروناۆيرۋس ينفەكسياسى مەن ماۋسىمدىق اۋرۋلاردان ساقتانۋعا كومەكتەسەدى.