الماتى قالاسىنىڭ قۇرىلىس باسقارماسى الەۋمەتتىك جەلىلەر مەن باق-تا تاراعان ك.ساتبايەۆ اتىنداعى №56 مەكتەپ-گيمنازيا عيماراتىن ءسۇرۋ تۋرالى اقپاراتتىڭ شىندىققا جاناسپايتىنىن حابارلادى.
«مەكتەپتە سەيسميكالىق كۇشەيتۋ جانە كۇردەلى جوندەۋ جۇمىستارى جۇرگىزىلىپ جاتىر. قولدانىستاعى عيماراتتاردى ءسۇرۋ قاراستىرىلماعان. سونىمەن قاتار عيماراتتىڭ تاريحي قاسبەتى ساقتالادى»، – دەدى باسقارما وكىلدەرى.
جوبا اياسىندا قازىرگى زامانعى ءبىلىم بەرۋ ستاندارتتارىنا ساي وقۋ كەڭىستىكتەرىن قۇرۋ كوزدەلگەن.
نەگىزگى جانە بەيىندىك پاندەر بويىنشا ساباق وتكىزۋگە ارنالعان سىنىپتار، زەرتحانالار مەن كابينەتتەر جاڭارتىلادى. حيميا، فيزيكا جانە بيولوگيا كابينەتتەرى زاماناۋي زەرتحانالىق قۇرال-جابدىقتارمەن قامتاماسىز ەتىلىپ، وقۋشىلارعا تاجىريبەلىك داعدىلاردى مەڭگەرۋگە جانە زەرتتەۋ جۇمىستارىن جۇرگىزۋگە مۇمكىندىك بەرەدى.
جوبا قۇرامىندا كوپفۋنكسيونالدى سپورت كەشەنىن سالۋ دا بار. مەكتەپ اۋماعىندا اشىق سپورت الاڭدارى پايدا بولادى.
سونىمەن قاتار كەڭ دەمالىس ايماقتارى، زاماناۋي اسحانا، كىتاپحانا، وقۋ زالدارى جانە مۋلتيمەديالىق قۇرالدارمەن جابدىقتالعان ۇيىرمە بولمەلەرى قاراستىرىلعان.
«قۇرىلىس-مونتاج جۇمىستارى 2026 جىلى ساۋىردە اياقتالادى دەپ جوسپارلانعان. باس مەردىگەر – «استانا-سترويينۆەست»كورپوراسياسى ج ش س»، – دەپ مالىمدەدى باسقارما ماماندارى.