ۇلتتىق ۇلاننىڭ الماتىداعى 5571 اسكەري بولىمىندە جىلدىق تەحنيكالىق بايقاۋ كۇنى ءوتتى.
بۇل ءىس-شارا كەڭەس وداعىنىڭ باتىرى، گۆارديا پولكوۆنيگى باۋىرجان مومىش ۇلى اتىنداعى اسكەري بولىمدە ەرەكشە باستالدى.
العاشىندا، سالتاناتتى ساپ تۇزەگەن اسكەري قىزمەتشىلەرگە «وڭتۇستىك» وڭىرلىك قولباسشىلىعىنىڭ قولباسشىسى گەنەرال-مايور تالاپكەر امىرەيەۆ ءسوز سويلەپ، بارلىق جەكە قۇرامعا تەحنيكالىق بايقاۋدان ءساتتى وتۋگە تىلەك ءبىلدىردى. سونداي-اق، ءبولىمنىڭ ارداگەرى تالعات ابەۋوۆ تا اسكەري قىزمەتشىلەرگە ءوز تىلەگىن جەتكىزدى.
تەحنيكالىق تەكسەرىستىڭ ماڭىزى
بۇگىنگى كۇنى اسكەري تەحنيكالار مەن قارۋ-جاراقتاردى جازعى ماۋسىمدا پايدالانۋ ءۇشىن تەكسەرىستەن وتكىزۋ مىندەتتى بولىپ تابىلادى. ۇلتتىق ۇلان اسكەريلەرى ءۇشىن بەيبىت ءومىر مەن قوعام تىنىشتىعىن قامتاماسىز ەتۋ بارىسىندا تەحنيكالاردىڭ تۇراقتى جۇمىس ىستەۋى اسا ماڭىزدى.
پولكوۆنيك يگور پوپوۆسكيي تەحنيكالىق بايقاۋدىڭ ماقساتىن ءتۇسىندىرىپ: «جىلدىق تەحنيكالىق بايقاۋدىڭ ماقساتى – كولىكتەردىڭ ەسەبىن، تەحنيكالىق جاعدايىن تەكسەرۋ، قارۋ-جاراق پەن اۆتوبروندى تانك تەحنيكاسىنىڭ دايىندىعىن باعالاۋ. بۇل تالاپتاردىڭ ءبارى ءبولىمنىڭ جاۋىنگەرلىك ازىرلىگىنە ۇلكەن اسەرىن تيگىزەدى»، – دەدى.
جوعارى باعالانعان دايىندىق
بايقاۋعا ءبولىمنىڭ بارلىق تەحنيكاسى جانە اتىس قارۋلارى قويىلىپ، تەحنيكالىق دايىندىقتىڭ كوەففيسيەنتتىك كورسەتكىشى 0،97% قۇرادى. تەكسەرۋشى كوميسسيا تاراپىنان ءبولىمنىڭ تەحنيكا جانە قارۋ-جاراق جاعدايىنا «وتە جاقسى» دەگەن باعا بەرىلدى.
پودپولكوۆنيك بەيمبەت سەيدالييەۆ، 5571 اسكەري ءبولىمى كومانديرىنىڭ تەحنيكا جانە قارۋ-جاراق جونىندەگى ورىنباسارى: «تەحنيكالىق بايقاۋعا بار ىنتامىزبەن دايىندالدىق. سونىڭ ناتيجەسىندە بۇگىن «وتە جاقسى» باعا الدىق. بۇل ءبولىمىمىزدىڭ اسكەري جۇرگىزۋشىلەرىنىڭ ادال ەڭبەگىنىڭ ناتيجەسى»، – دەدى.
ماراپاتتاۋ ءراسىمى
بايقاۋدىڭ قورىتىندىسى بويىنشا ءبولىمنىڭ 12 اسكەري قىزمەتشىسى «وڭتۇستىك» وڭىرلىك قولباسشىلىعىنىڭ قولباسشىسى گەنەرال-مايور تالاپكەر امىرەيەۆتىڭ اتىنان ماراپاتتالىپ، العىس حاتقا يە بولدى.