سول ءۇشىن ولار جازالانىپ تا ۇلگەردى. الماتىدا كولىكتەردى تۇراققا قويۋ ەرەجەلەرىن بۇزۋ دەرەكتەرىن انىقتاۋ جۇمىستارى جالعاسىپ جاتىر.
پوليسەيلەر ەۆاكۋاتورلاردىڭ كومەگىمەن زاڭسىز قويىلعان كولىكتى مامانداندىرىلعان ايىپپۇل تۇراعىنا جەتكىزەدى، دەپ حابارلايدى Almaty-akshamy.kz.
"جىل باسىنان بەرى اۆتوتۇراق ەرەجەسىن بۇزعان 9963 ادام جاۋاپكەرشىلىككە تارتىلدى. “ايالداۋعا تىيىم سالىنادى” جانە “تۇراققا قويۋعا تىيىم سالىنادى” بەلگىلەرىمەن بەلگىلەنبەگەن ورىندارعا كولىك قوياتىن جۇرگىزۋشىلەردى انىقتاۋ ماقساتىندا جەرگىلىكتى جەرلەردە تۇراقتى تۇردە ءىس-شارا جۇرگىزىلۋدە. سونىمەن قاتار الدىڭعى شەپتەگى بولىمشەلەردىڭ قىزمەتكەرلەرى اۆتوبۋستاردىڭ ءجۇرۋىن قيىنداتىپ، كەپتەلىستىڭ پايدا بولۋىنا ىقپال ەتەتىن قوعامدىق كولىك ايالدامالارىندا كولىكتەردى تۇراققا قويۋ سياقتى ورەسكەل بۇزۋشىلىقتاردى انىقتاۋدا جانە جويۋدا. تاجىريبە كورسەتكەندەي، رەيدتەر مەن ءىس-شارالاردى وتكىزۋ قالاداعى كولىكتەردىڭ وتكىزۋ قابىلەتىنە، جۇرگىزۋشى ءتارتىبى مەن جۇرگىزۋ مادەنيەتىن ارتتىرۋعا وڭ اسەرىن تيگىزەدى"، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
جەرگىلىكتى رەيدتەردى وتكىزۋ كەزىندە پوليسەيلەر جول قوزعالىسى ەرەجەلەرىن بۇزۋ تۋرالى حابارلاعان مۇددەلى ازاماتتاردىڭ سيگنالدارىن بەلسەندى پايدالانادى.
"قالامىزدىڭ تاعدىرىنا بەي-جاي قارامايتىن وسىنداي بەلسەندىلەرگە العىسىم شەكسىز. سونداي-اق، بارشا ازاماتتاردى جول قوزعالىسى ەرەجەلەرىن قاتاڭ ساقتاۋعا شاقىرامىز. زاڭدى جانە ءتارتىپتى ساقتاۋدى وزىمىزدەن باستاۋ كەرەك، سوندىقتان زاڭعا باعىنۋ وتە ماڭىزدى، بۇل قالاداعى جول قاۋىپسىزدىگىن قامتاماسىز ەتۋگە زور ۇلەسىمىزدى قوسۋدى بىلدىرەدى"، – دەدى شۋمايەۆ.