بۇل جۇمىسقا جەرگىلىكتى بيۋدجەتتەن ەكى جارىم ميلليارد تەڭگە بولىنگەن.
الماتىدا تۇرعىن ۇي-كوممۋنالدىق شارۋاشىلىعىن دامىتۋدىڭ مەملەكەتتىك «نۇرلى جەر» باعدارلاماسى اياسىندا 135 كوپ قاباتتى ۇيدە 300-دەن استام ليفت جاڭارتىلدى، دەپ حابارلايدى Almaty-akshamy.kz
ءبىر ءليفتتى اۋىستىرۋ ءۇشىن شامامەن 10 ميلليون تەڭگە قاجەت. بۇل سومانى تۇرعىندار 15 جىلدىڭ ىشىندە قايتارۋى كەرەك. وسى كۇنگە دەيىن بيىلعا جوسپارلانعان جۇمىستىڭ 90 پايىزى اياقتالعان. قالانىڭ تۇرعىن ءۇي قورىندا 5600-دەن استام ليفت بولسا، سونىڭ ءالى 400-گە جۋىعى جاڭارتۋدى تالاپ ەتەدى. بۇل باعىتتاعى جۇمىس كەلەسى جىلى دا جالعاسادى.
مامانداردىڭ پىكىرىنشە، تۇرعىن ۇيدەگى ليفتىلەر 25 جىلدان كەيىن اۋىستىرىلىپ تۇرۋى قاجەت.