رەسپۋبليكالىق ناۋقان اياسىندا الماتى پوليسياسىنىڭ قىزمەتكەرلەرى مەن قوعام قايراتكەرلەرى «انا ۇيىنە» بارىپ قايتتى.
ءىس-شارانى ۇيىمداستىرۋشىلاردىڭ ايتۋىنشا، بۇل ءۇي بەكەردەن-بەكەر تاڭدالعان جوق. مۇندا ءبىر جارىم جاسقا دەيىنگى بالالارى بار 30 جاس انا تۇرادى. ولارعا قوناقتار نارەستە تاماعى، جايالىق، جاڭا تۋعان نارەستەلەرگە ارنالعان كيىم-كەشەك سىندى قاجەتتى سىيلىقتاردى الىپ كەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سونىمەن قاتار داعدارىس ورتالىقتارىنىڭ وكىلدەرى مەن ءتارتىپ ساقشىلارى ايەلدەرمەن تۇرمىستىق زورلىق-زومبىلىقپەن كۇرەسۋ شارالارى مەن شارتتارى، سونداي-اق انا بولۋ باقىتى تۋرالى اڭگىمەلەستى. شاھاردا “انا ءۇيىنىڭ” ءۇش فيليالى بار. وندا قيىن جاعدايعا بايلانىستى بالالارىن تاستاپ كەتە جازداعان انالارعا كومەك كورسەتىلەدى