الماتىدا 25 قاراشا مەن 10 جەلتوقسان ارالىعىندا ايەلدەرگە قاتىستى زورلىق-زومبىلىقتى جويۋدىڭ حالىقارالىق كۇنىنە وراي "گەندەرلىك زورلىق-زومبىلىققا قارسى 16 كۇن بەلسەندى ءىس-قيمىل" رەسپۋبليكالىق اكسياسى ءوتىپ جاتىر، - دەپ حابارلايدى Aqshamnews.kz.
اكسيانىڭ ماقساتى – وتباسى-تۇرمىستىق جانە گەندەرلىك زورلىق-زومبىلىقتىڭ الدىن الۋ، ونى بولدىرماۋ شارالارى تۋرالى حالىقتىڭ حاباردارلىعىن ارتتىرۋ، وتباسى ينستيتۋتىن نىعايتۋ، انالىق پەن بالالىقتى قورعاۋ. كامپانيا اياسىندا قالادا ءاقپاراتتىق-تۇسىندىرۋ، پروفيلاكتيكالىق جانە الەۋمەتتىك باعىتتاعى كەشەندى ءىس-شارالار ۇيىمداستىرىلىپ، قوعامدا زورلىق-زومبىلىقتىڭ كەز كەلگەن تۇرىنە نولدىك ءتوزىم قاعيداتىن قالىپتاستىرۋ جانە جابىرلەنۋشىلەرگە قولداۋ كورسەتۋ باعىتىنداعى جۇمىستار كۇشەيتىلدى.
– مەملەكەت باسشىسى ايقىنداعان "زاڭ مەن ءتارتىپ" قاعيداتى – ءبىزدىڭ كۇندەلىكتى قىزمەتىمىزدىڭ نەگىزگى تىرەگى. 2025 جىل پروفيلاكتيكا جىلى دەپ جاريالاندى، سوندىقتان ءبىز ءۇشىن زورلىق-زومبىلىق فاكتىلەرىنە تەك ارەكەت ەتۋ عانا ەمەس، ولاردىڭ الدىن الۋ – باستى مىندەت. ءقاۋىپسىز ورتا قالىپتاستىرۋ ەڭ الدىمەن بىر-بىرىمىزگە دەگەن سىيلاستىقتان، وتباسى مەن قوعامداعى جاۋاپكەرشىلىكتەن باستالادى. پوليسيا الداعى ۋاقىتتا دا پروفيلاكتيكالىق شارالاردى كۇشەيتىپ، حالىقپەن، الەۋمەتتىك قىزمەتتەرمەن جانە ۇكىمەتتىك ەمەس ۇيىمدارمەن بىرلەسە جۇمىس ىستەيدى. ءاربىر ايەل مەن ءاربىر بالا وزدەرىن ءقاۋىپسىز سەزىنۋى كەرەك، – دەپ اتاپ ءوتتى الماتى قالاسى پد قوعامدىق قاۋىپسىزدىك باسقارماسىنىڭ باستىعى اسحات قۇلبايەۆ.
الماتىلىقتار تاۋلىك بويى كەلەسى بايلانىس جەلىلەرىنە جۇگىنىپ، كومەك پەن كەڭەس الا الادى: "111" – بالالار مەن وتباسىلاردى قولداۋ قىزمەتى، "150" – ۇلتتىق سەنىم تەلەفونى "102" – پوليسيانىڭ جەدەل قىزمەتى