One Stop Service ورتالىعى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن جۇمىس ىستەيدى، دەپ حابارلايدى Almaty-akshamy.kz
«One Stop Service كونسەپسياسى – بۇل جەردە باستاپقى ءبىر رەتتىك زاڭگەرلىك جانە پسيحولوگيالىق كومەكتى تەگىن الۋعا بولادى. ايەلدەر مەن بالالار ورتالىققا ءوزى حابارلاسا الادى نەمەسە كەلە الادى. ايتا كەتۋ كەرەك، بىزگە تەك الماتىلىقتار نەمەسە وبلىس تۇرعىندارى عانا ەمەس، بارلىق وڭىرلەردەن كەلگەن قازاقستاندىقتار جۇگىنە الادى»، - دەيدى باستاما اۆتورى، ۇلتتىق كوميسسيا مۇشەسى، بەلگىلى زاڭگەر، قۇقىق قورعاۋشى ايمان ۋماروۆا.
ول قازاقستاندا سوت-پسيحولوگتارى – وسى سالادا جۇمىس ىستەيتىن ساراپشىلاردىڭ پايدا بولۋى ماڭىزدى دەپ سانايدى. سونداي-اق، كامەلەتكە تولماعانداردان جاۋاپ الۋ ادىستەمەسىن ازىرلەۋ تۋرالى ۇسىنىس جاسادى.
«قازىرگى كەزدە زورلىق-زومبىلىقتى باستان وتكەرگەن كىشكەنتاي قىزدار مەن ۇلداردان جاۋاپ الۋ ءتاسىلى وتە قورقىنىشتى. بالالار قوسىمشا پسيحولوگيالىق جاراقات الادى»، - دەپ ءتۇسىندىردى ول.
قۇقىق قورعاۋشى ەلدە زورلىق-زومبىلىق قۇرباندارىن وڭالتۋ باعدارلامالارى قاجەت ەكەنىن دە اتاپ ءوتتى.