سوت شەشىمىمەن رىسقۇلوۆ داڭعىلى، 420 مەكەنجايىندا ورنالاسقان «ءۇمىت» بازارى ءسۇرىلىپ جاتىر، دەپ حابارلايدى aqshamnews.kz. بۇل تۋرالى الماتىنىڭ قالا قۇرىلىسىن باقىلاۋ باسقارماسىنىڭ وكىلدەرى ايتتى.
بۇعان دەيىن جوسپاردان تىس تەكسەرۋ بارىسىندا مەنشىك يەسىنە ءتيىستى قۇجاتتارىنىڭ بولماۋىنا بايلانىستى اكىمشىلىك شارالار قولدانىلىپ، انىقتالعان زاڭبۇزۋشىلىقتاردى جويۋ جونىندە نۇسقاما بەرىلگەن.
2025 جىلى 22 شىلدەدە باسقارما اتالعان نىساندى ءسۇرۋ تۋرالى تالاپ-ارىزدى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا جولدادى. 2025 جىلى 27 تامىزدا سوت باسقارمانىڭ تالابىن قاناعاتتاندىردى.
سوت شەشىمىن ورىنداۋ اياسىندا مەنشىك يەسى عيماراتتى ءوز ەركىمەن بۇزۋدى باستادى.