وكق الاڭىندا الماتى قالاسى بويىنشا ەكونوميكالىق تەرگەۋ دەپارتامەنتى وكىلدەرىنىڭ قاتىسۋىمەن بريفينگ ءوتتى. سپيكەرلەر كەلتىرگەن مالىمەتتەرگە سايكەس، جىل باسىنان بەرى ويىن بيزنەسى سالاسىندا سوتقا دەيىنگى 12 ءوندىرىس تىركەلگەن. ءۇش ويىن زالىنىڭ، ءبىر بۋكمەكەرلىك كەڭسەنىڭ جانە ءتورت جاسىرىن كازينونىڭ قىزمەتى توقتاتىلدى، دەپ حابارلايدى almaty-akshamy.kz
سونىمەن قاتار، 94 كومپيۋتەرلىك تەحنيكا زاڭسىز اينالىمنان الىندى، سوت ۇكىمى بويىنشا 500-دەن استام ويىن تەرمينالى جويىلدى. سونىمەن قاتار، اعىمداعى جىلى «تيكتوك» الەۋمەتتىك جەلىسىندە زاڭسىز قۇمار ويىنداردى ۇيىمداستىرۋشىلاردىڭ قىزمەتى توقتاتىلدى.
مەملەكەتتىك ورگاندا ويىنعا تاۋەلدىلىكتىڭ قۇرباندارى كوبىنەسە جاستار ەكەندىگى، ال زاڭسىز ويىن بيزنەسىنە قارسى كۇرەستىڭ ناتيجەسى كوبىنەسە تۇرعىنداردىڭ ساناسىنا بايلانىستى ەكەندىگى اتاپ وتىلگەن.
«وڭاي» اقشانى لەزدە ۇتىپ الامىن دەگەن ۇمىتپەن ادامدار كوبىنەسە كازينو مەن اۆتوماتتارعا تاپقان تابىسى مەن بارىن قالدىرادى. جەدەل-تەرگەۋ تاجىريبەسى كورسەتكەندەي، انىقتالعان جاسىرىن كازينولار مەن ويىن مەكەمەلەرىنە نەگىزگى كەلۋشىلەر جاستار بولىپ وتىر. زاڭسىز ويىن بيزنەسى مەملەكەتتىك بيۋدجەتكە ەشقانداي پايداسى جوق جانە سونىمەن بىرگە قالا تۇرعىندارىنىڭ دا قالتاسىن قاعادى. حالىقتىڭ قۇمار ويىنداردان باس تارتۋى قاسكۇنەمدەردى زاڭسىز تابىستارىنان ايىرادى»، - دەدى الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ تەرگەۋ باسقارماسىنىڭ باسشىسى ساكەن قوندىبايەۆ.
جەدەل-تەرگەۋ ءىس - شارالارى بارىسىندا زاڭسىز ويىن بيزنەسىن ۇيىمداستىرۋدىڭ ەكى فاكتىسى انىقتالدى، اتاپ ايتقاندا، ستاۆكالاردى قابىلداۋ، بانكتىك اۋدارىمدار ارقىلى ۇتىستاردى ەسەپتەۋ جانە بەرۋ فۋنكسيالارىن قولدايتىن ونلاين قۇمار ويىندار. ۇيىمداستىرۋشىلار 4 جىلعا باس بوستاندىعىنان ايىرىلدى.
سونىمەن قاتار، قالانىڭ ەكى تۇرعىنى زاڭسىز ويىن بيزنەسى سالاسىنداعى وسىنداي قۇقىق بۇزۋشىلىقتار ءۇشىن 1،6 جىلعا باس بوستاندىعىن شەكتەۋگە سوتتالدى.
«بۇگىنگى تاڭدا كازينولار مەن ويىن اۆتوماتتارى زالدارى تەك قاپشاعاي سۋ قويماسىنىڭ جاعالاۋىندا جانە اقمولا وبلىسىنىڭ ششۋچە اۋدانىندا ورنالاستىرىلۋى ءتيىس. وسىلايشا، اتالعان اۋماقتاردان تىس جۇمىس ىستەيتىن بارلىق ويىن مەكەمەلەرى ءوز قىزمەتىن زاڭسىز جۇزەگە اسىرادى»، - دەپ ەسكەرتتى ول.
مەملەكەتتىك ورگاننىڭ وكىلى سونداي-اق زاڭسىز ويىن بيزنەسىنە قارسى ءىس-قيمىل جۇرتشىلىقپەن بىرلەسكەن كۇش-جىگەرمەن، ونىڭ ىشىندە پروفيلاكتيكالىق ءىس-شارالار جۇرگىزۋ ارقىلى كورسەتىلۋى قاجەت ەكەنىن اتاپ ءوتتى.
وسىلايشا، الماتى قالاسىنىڭ ەكونوميكالىق تەرگەۋ دەپارتامەنتىندە كاسىپكەرلەردى، قوعامدىق ۇيىمداردىڭ، بلوگەرلەر مەن ب ا ق وكىلدەرىن زاڭسىز ويىن بيزنەسىمەن كۇرەسكە قوسىلۋعا شاقىرادى.