2023 جىلدىڭ باسىنان باستاپ الماتىدا ويىن بيزنەسى سالاسىندا سوتقا دەيىنگى 18 ءىس جۇرگىزۋ تىركەلگەن. وكق الاڭىندا الماتى قالاسى بويىنشا ەكونوميكالىق تەرگەۋ دەپارتامەنتى وكىلدەرىنىڭ قاتىسۋىمەن بريفينگ ءوتتى.
الماتى قالاسى بويىنشا ەكونوميكالىق تەرگەۋ دەپارتامەنتى باسشىسىنىڭ ورىنباسارى سابىرعالي بالعالييەۆ كازينو مەن ويىن اۆتوماتتارى زالدارى الماتى وبلىسىندا (قاپشاعاي) جانە اقمولا وبلىسىندا (ششۋچە اۋدانى) ورنالاستىرىلۋعا جاتاتىنىن اتاپ ءوتتى. باسقا جەرلەردە ولاردى اشۋ زاڭسىز بولىپ تابىلادى.
«ويىن بيزنەسى قوعامعا ۇلكەن زيان كەلتىرەدى. اۋرۋلاردىڭ حالىقارالىق جىكتەمەلەرىنىڭ بىرىندە قۇمار ويىندارعا تاۋەلدىلىك اۋىر پاتولوگيا رەتىندە تانىستىرىلعان جانە پاسيەنتتىڭ ءومىر سالتىنا ۇستەمدىك ەتىپ، الەۋمەتتىك، كاسىبي جانە ماتەريالدىق قۇندىلىقتار مەن مىندەتتەمەلەردى جوعالتۋعا اكەلەتىن ءجيى جانە ۇنەمى قايتالاناتىن قۇمار ويىندارى كەزىندە كورىنەدى. «جەڭىل» اقشانى بىردەن ۇتىپ الامىن دەگەن ۇمىتپەن ادامدار كوبىنەسە كازينو مەن ويىن اۆتوماتتارىنا جالاقىسى مەن قولىندا بارىنىڭ ءبارىن قالدىرادى. جەدەل-تەرگەۋ تاجىريبەسى كورسەتىپ وتىرعانداي، انىقتالعان جەراستى كازينولارى مەن ويىن مەكەمەلەرىنە نەگىزگى كەلۋشىلەر جاستار بولىپ وتىر»، - دەدى سابىرعالي بالعالييەۆ.
وسىعان بايلانىستى قالا جاستارى اراسىندا لۋدومانيانىڭ الدىن الۋ ءۇشىن الماتى قالاسىنىڭ جاستار ساياساتى باسقارماسىمەن بىرلەسكەن جوسپارعا قول قويىلدى.
بەلگىلىسى، زاڭسىز ويىن بيزنەسىنەن مەملەكەتتىك بيۋدجەتكە ەشقانداي ءتۇسىم جوق جانە ودان بولەك، قالا تۇرعىندارىنىڭ قالتالارىن قاعىلىپ، ءامياندارى بوس قالادى. ايتا كەتۋ كەرەك، زاڭسىز ويىن بيزنەسىمەن كۇرەس ناتيجەسى كوبىنەسە تۇرعىنداردىڭ وزدەرىنىڭ ساناسىنا دا بايلانىستى. حالىقتىڭ قۇمار ويىنداردان باس تارتۋى قىلمىسكەرلەردى زاڭسىز تابىستارىنان ايىرادى.
ءبىر جىل كولەمىندە «قۇمار ويىنسىز قالا» جانە «ستوپ ويىن» جەدەل-پروفيلاكتيكالىق ءىس-شارالارى ۇيىمداستىرىلدى.
الماتى قالاسى بويىنشا ەكونوميكالىق تەرگەۋ دەپارتامەنتى 2023 جىلدان باستاپ زاڭسىز ويىن بيزنەسىن ۇيىمداستىرۋ دەرەكتەرى بويىنشا - 18 قىلمىستىق ءىس قوزعالعان. قازىرگى تاڭدا 14 تۇلعاعا قاتىستى سوت ۇكىمى شىعىپ، ولار سوتتالدى، 3 ءىس سوتتا قارالۋدا، دەپارتامەنت وندىرىسىندە - 5 قىلمىستىق ءىس تەرگەلۋدە.
- 2023 جىلى 4 ويىن زالدارى، 1 بۋكمەكەرلىك كەڭسە (4 بۋكمەكەرلىك كاسسا)، 5 استىرتىن ويىنحانا، 1 ونلاين-كازينو، 2 دەرەك بويىنشا الەۋمەتتىك جەلىلەردە قۇمار ويىنداردى ۇيىمداستىرعاندارعا قاتىستى قىلمىستىق ىستەر اياقتالدى.
- زاڭسىز اينالىمنان 111 مونيتور، 102 پروسەسسور، 1 ويىن تەرمينالى، 6 ۆيدەو رەسيۆەر، 900 مىڭ تەڭگەدەن اسا قاراجات جانە 500 اقش دوللارى تاركىلەندى. سونداي-اق، 1 500 تەرمينال جويىلعان بولاتىن.
- الدىن الۋ شارالارى اياسىندا «كيبەرنادزور» اج ارقىلى ونلاين-كازينو بەلگىلەرى بار كۇدىكتى سايتتارعا 986 سىلتەمە بۇعاتتالدى.
- دەپارتامەنت الماتى اۋماعىندا زاڭسىز ويىن بيزنەسىن ۇيىمداستىرعان ۇيىمداسقان قىلمىستىق توپتىڭ قىزمەتىن توقتاتتى جانە جويدى.
سونداي-اق، «Telegram» الەۋمەتتىك جەلىسىندەگى زاڭسىز قۇمار ويىنداردى ۇيىمداستىرۋشىلاردىڭ ءتۇرلى ويىن اۆتوماتتارى، سلوتتارى، كەنو، بينگو جانە رۋلەتكا بار ونلاين كازينو تۇرىندەگى قىزمەتى توقتاتىلدى، بۇل رەتتە سپورتتىق ءىس-شارالارعا ستاۆكالار قويىلدى.
جەدەل-تەرگەۋ ءىس-شارالارى بارىسىندا «تيك-توك» جەلىسىندە زاڭسىز ويىن بيزنەسىن ۇيىمداستىرۋ، ستاۆكالاردى قابىلداۋ، بانكتىك اۋدارىمدار ارقىلى ۇتىستاردى ەسەپتەۋ جانە بەرۋ فۋنكسيالارىن قولدايتىن ونلاين قۇمار ويىندار فاكتىسى انىقتالدى.
«تەرگەۋ بارىسىندا الماتى قالاسىنىڭ تۇرعىندارى الەۋمەتتىك جەلىلەردە 12،9 ملن تەڭگەدەن استام سوماعا ءىرى مولشەردە كىرىس الا وتىرىپ، ءتورت اي بويى زاڭسىز ويىن بيزنەسىن ۇيىمداستىرعانى دالەلدەندى»، - دەدى س.بالعالييەۆ.
اتالعان مەكەمە «ويىن بيزنەسى تۋرالى» ق ر زاڭىنىڭ نورمالارىنا قايشى جۇمىس ىستەدى.
الماتىنىڭ ەكى تۇرعىنى ق ر قك 3-تارماعىنىڭ 307-بابىنىڭ 2-بولىگىندە قاراستىرىلعان قىلمىس جاساعانى ءۇشىن كىنالى دەپ تانىلدى (زاڭسىز ويىن بيزنەسىن ۇيىمداستىرۋ، ءىرى مولشەردە تابىس تابۋمەن الدىن الا ءسوز بايلاسۋ بويىنشا ادامدار توبى) جانە 1،6 جىلعا باس بوستاندىعىن ايىرۋعا ۇكىم شىعارىلدى.
بۇدان باسقا، زاڭسىز ويىن بيزنەسى سالاسىندا وسىنداي قۇقىق بۇزۋشىلىقتار ۇيىمداستىرعان 4 ادام سوتتالدى.
- پروفيلاكتيكالىق ءىس-شارالار شەڭبەرىندە بيىلعى جىلى ساۋدا نۇكتەلەرىنىڭ مەنشىك يەلەرىنە 100-دەن استام حابارلاما تابىس ەتىلدى، قالانىڭ ەڭ كريمينوگەندى بولىكتەرىندەگى (ناۋرىزباي، الاتاۋ، تۇركسىب اۋداندارى) ءۇي-جايلاردىڭ جالعا بەرۋشىلەرىمەن تۇسىندىرمە اڭگىمە جۇرگىزىلۋدە.
- ونىڭ ايتۋىنشا، بۇل ىسكە الماتى تۇرعىندارى دا بەلسەندى قاتىسۋدا. دەپارتامەنتتىڭ سەنىم تەلەفونىنا ازاماتتاردىڭ وتىنىشتەرى كەلىپ تۇسۋدە، سولاردىڭ نەگىزىندە جەدەل-تەرگەۋ توبى دەرەۋ رەيدتىك ءىس-شارالار جۇرگىزەدى.
- مەملەكەتتىك ورگاننىڭ وكىلى زاڭسىز ويىن بيزنەسىنە قارسى ءىس-قيمىل جۇرتشىلىقپەن بىرلەسكەن كۇش-جىگەرمەن، ونىڭ ىشىندە پروفيلاكتيكالىق ءىس-شارالار جۇرگىزۋ ارقىلى كورسەتىلۋى قاجەت ەكەنىن اتاپ ءوتتى.
دەپارتامەنتتە كاسىپكەرلەردى، قوعامدىق جانە جاستار ۇيىمدارىنىڭ وكىلدەرىن، بلوگەرلەر مەن باق-ىن زاڭسىز ويىن بيزنەسىمەن كۇرەسكە قوسىلۋعا شاقىرادى. بايلانىس ورتالىقتارىنا 1458 ءنومىرى بويىنشا حابارلاسۋعا بولادى.