الماتىدا زاڭسىز جۇمىس ىستەپ جۇرگەن شەتەلدىكتەر انىقتالدى

الماتىداعى قۇرىلىس نىساندارىنىڭ بىرىندە زاڭسىز جۇمىس ىستەپ جۇرگەن وزبەكستان مەن نيگەريا ازاماتتارى انىقتالدى.

پوليسيا قىزمەتكەرلەرى “قۇقىقتىق ءتارتىپ” رەسپۋبليكالىق جەدەل الدىن الۋ ءىس-شاراسى اياسىندا تەكسەرۋ جۇرگىزدى، دەپ حبارلايدى Almaty-akshamy.kz.

«مەدەۋ اۋدانىندا شەتەلدىك جۇمىس كۇشى زاڭسىز پايدالانىلعان قۇرىلىس نىسانى انىقتالدى. اتاپ ايتقاندا، وندا وزبەكستاننىڭ 13 ازاماتى جانە نيگەريانىڭ 2 ازاماتى جۇمىس ىستەگەن. ولار وزدەرىنىڭ ەڭبەك قىزمەتىن زاڭسىز جۇرگىزگەن جانە جەكە باسىن كۋالاندىراتىن قۇجاتتارى بولماعان. اتالعان شەتەلدىكتەر پد-نىڭ قابىلداپ-تاراتۋىنا ورنالاستىرىلدى. سونىمەن قاتار تەرگەۋ بارىسىندا اۋەزوۆ اۋدانىنىڭ پوليسيا قىزمەتكەرلەرى تاجىكستان ازاماتىنىڭ جولاۋشىلاردى زاڭسىز تاسىمالداۋ دەرەگىن انىقتادى. بەلگىلى بولعانداي، 27 جاستاعى ك.ەسىمدى ازامات تاكسيدە جۇمىس ىستەگەن: ول ءموبيلدى قوسىمشا ارقىلى تاپسىرىس الىپ، جەكە تاسىمالداۋمەن اينالىسقان. ول ءوزى جالعا العان كولىكتە تۇنەپ جۇرگەن»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.

شەتەلدىك ازاماتقا قاتىستى ق ر اقبتك-نىڭ 517-بابى 5-بولىگىنە سايكەس اكىمشىلىك ءىس قوزعالدى. سوت ونى قازاقستان رەسپۋبليكاسىنان شىعارىپ جىبەرۋ تۋرالى شەشىم قابىلدادى. سونداي-اق كولىك يەسى ق ر اقبتك-نىڭ 519-بابى 1-بولىگى بويىنشا جاۋاپكەرشىلىككە تارتىلدى.