الماتىدا 7،3 ملرد تەڭگە كولەمىندە بيۋدجەت شىعىنىنا جول بەرىلمەدى
بۇل تۋرالى قالالىق سىبايلاس جەمقورلىققا قارسى قىزمەتىنەن حابارلادى «ساتىپ الۋدىڭ ءبىرىڭعاي تەرەزەسى» جوباسىن جۇزەگە اسىرۋ اياسىندا ميللياردتاعان تەڭگە ۇنەمدەلگەنى ايتىلدى، دەپ حابارلايدى Almaty-akshamy.kz.
اگەنتتىكتىڭ قوعامدىق كەڭەسىنىڭ الاڭنان تىس ءبىرىنشى وتىرىسى بارىسىندا الماتى قالاسىنىڭ قوعام بەلسەندىلەرى اگەنتتىك پەن ازاماتتىق سەكتوردىڭ بىرلەسكەن جۇمىسىنىڭ ناتيجەلەرىمەن تانىستى.
باسپا ءسوز قىزمەتىنىڭ مالىمەتىنشە، جەر قاتىناستارى سالاسىندا جالپى قۇنى 1،2 ملرد تەڭگە بولاتىن 16 گەكتاردان استام جەر مەملەكەت مەنشىگىنە قايتارىلعان.
بۇل رەتتە قوعامدىق كەڭەس ءتوراعاسى مارات ءباشىموۆ سىبايلاس جەمقورلىققا قارسى قىزمەت پەن قوعام اراسىنداعى سىندارلى سەرىكتەستىكتىڭ ماڭىزدىلىعىن اتاپ ءوتتى.
سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى دميتريي مالاحوۆ سىبايلاس جەمقورلىقپەن كۇرەستە ازاماتتىق قوعامنىڭ رەسۋرستارىن پايدالانۋ قاجەت دەپ قوستى.
2023 جىلى دەپارتامەنت جۇمىسىنىڭ نەگىزگى باعىتى ەكولوگيا سالاسىنداعى پروبلەمالىق ماسەلەلەردى شەشۋگە باعىتتالادى.