20-21 مامىردا الماتىدا «الماتىداعى زاماناۋي ءبىلىم بەرۋ كۇندەرى» كاسىبي باعدار بەرۋ فەستيۆالى وتەدى. بۇل – ماماندىق تاڭداۋ كەزىندە كوپتەگەن سۇراقتار مازالايتىن مەكتەپ پەن كوللەدج تۇلەكتەرى ءۇشىن ەرەكشە ءىس-شارا، دەپ حابارلايدى Almaty-akshamy.kz.
فەستيۆال الاڭدارىندا ءبىلىم بەرۋ مەكەمەلەرىنىڭ وكىلدەرى الماتى قالاسىنىڭ تۇرعىندارى مەن قوناقتارىنا وقىتۋدىڭ وزەكتى باعدارلامالارى تۋرالى ايتىپ بەرەدى. سونىمەن قاتار ولار ەڭبەك نارىعىنداعى بەلگىلى ءبىر كاسىپ تۋرالى تۇسىندىرەدى، كاسىبي مانساپتى جوسپارلاۋ بويىنشا كەڭەستەر بەرەدى.
فەستيۆالعا قاتىسۋشىلاردى كورمەلەر، ءتۇرلى باعىتتار بويىنشا شەبەرلىك ساباقتارى، تۇساۋكەسەرلەر، كوشە قويىلىمدارى مەن فلەشموبتار كۇتەدى. شەبەرلىك ساباقتارىندا جوعارى وقۋ ورىندارى مەن كوللەدجدەردىڭ وكىلدەرى جاستارعا ءتۇرلى كاسىپتەردىڭ ەرەكشەلىكتەرىن تۇسىندىرەدى، وقۋعا ءتۇسۋ ءۇشىن قانشا بالل جيناۋ كەرەكتىگىن ايتادى. ولار بەلگىلى ءبىر وقۋ ورنىنا تۇسۋگە دايىندىق، بەلگىلى ءبىر سالادا سۇرانىسقا يە مامان بولۋ ءۇشىن قانداي داعدىلار قاجەت ەكەندىگى تۋرالى ۇسىنىستار بەرەدى.
ءىس-شاراعا ۇلتتىق تەستىلەۋ ورتالىعىنىڭ ساراپشىلارى دا قاتىسادى. ولار ۇبت جاڭالىقتارى تۋرالى تۇسىنىك جانە قالعان كەزەڭدە تەستىلەۋگە قالاي جاقسى دايىندالۋ كەرەكتىگى تۋرالى كەڭەستەر ۇسىنادى.
ايتا كەتەرلىگى، فەستيۆال پانفيلوۆ جانە جىبەك جولى كوشەلەرىندە وتەدى. جۇمىس ۋاقىتى-10:00 - دەن 18:00-گە دەيىن. وعان كەز كەلگەن ادام بارا الادى.
فەستيۆالدى ۇيىمداستىرۋشىلار: «زاماناۋي ءبىلىم» جۋرنالىنىڭ رەداكسياسى مەن ت. جۇرگەنوۆ اتىنداعى ءقازۇوا.