165 جەڭىمپاز ديپلومدارمەن جانە اقشالاي سەرتيفيكاتتارمەن ماراپاتتالدى
الماتىدا WorldSkills Almaty 2023 VIII وڭىرلىك چەمپيوناتىنىڭ جەڭىمپازدارى مەن قاتىسۋشىلارىن رەسمي ماراپاتتاۋ ءراسىمى ءوتتى. جارىس قورىتىندىسى بويىنشا جۇلدەلى ورىندارعا يە بولعان 165 جەڭىمپاز انىقتالدى. ولار الماتى قالاسى اكىمىنىڭ ورىنباسارى اسەم ءنۇسىپوۆانىڭ اتىنان جەڭىمپاز ديپلومدارىمەن جانە اقشالاي سىياقى سەرتيفيكاتتارىمەن ماراپاتتالدى (1 ورىن – 150 000 تەڭگە، 2 ورىن – 100 000 تەڭگە، 3 ورىن – 50 000 تەڭگە). سونداي-اق، جۇلدەگەرلەر الماتى قالاسىنىڭ جەتەكشى كومپانيالارىنا كەپىلدى جۇمىسقا ورنالاسۋعا «التىن سەرتيفيكاتتار» الدى.
ايتا كەتەرلىگى، بيىل چەمپيوناتقا قاتىسۋشىلار سانى مەن قۇزىرەتتەر سانى ۇلعايدى. ەگەر 2022 جىلى 51 قۇزىرەت بويىنشا 350 جاس مامان قاتىسسا، 2023 جىلى 53 قۇزىرەت بويىنشا 380 مامان قاتىستى. جاڭالارىنىڭ اراسىندا «ەنەرگيانىڭ جاڭاراتىن كوزدەرى» جانە «جارتىلاي فابريكاتتار جاساۋ» بار. WorldSkills چەمپيوناتىن وتكىزۋ – بۇل جىلدامدىققا ارنالعان باسەكە عانا ەمەس، سونىمەن قاتار تجكب وقىتۋ جۇيەسىندەگى جاڭا ادىستەردى انىقتايتىن جانە كاسىپتىك دايارلىق ستاندارتتارىن ارتتىراتىن ورىن بولىپ تابىلادى.
«بۇگىن ءبىز WorldSkills Almaty 2023 چەمپيوناتىندا ۇزدىك ستۋدەنتتەردى ماراپاتتايمىز. الماتى قالاسىنىڭ كوللەدجدەرى تاعى دا WorldSkills حالىقارالىق قوزعالىسىن دامىتۋعا بەيىندىلىگىن كورسەتتى، ال چەمپيونات الاڭدارىنداعى قاتىسۋشىلاردىڭ وزدەرى ءوز ءىسىنىڭ ناعىز كاسىپقويلارى ەكەنىن دالەلدەدى. چەمپيوناتتىڭ ماقتانىشى Deafskills باعىتىنداعى سايىسكەرلەر بولدى، ولار بىزگە رۋحتىڭ كۇشى ارقىلى كەز كەلگەن قيىندىقتى جەڭۋگە بولاتىنىن كورسەتتى. چەمپيوناتتىڭ جەڭىمپازدارى مەن جۇلدەگەرلەرىن، سونداي-اق ولاردىڭ تالىمگەرلەرىن شىن جۇرەكتەن قۇتتىقتايمىن. رەسپۋبليكالىق جانە حالىقارالىق الاڭداردا ۇنەمى جەڭىستەر تىلەيمىن!» — دەدى الماتى قالاسى اكىمىنىڭ ورىنباسارى اسەم ءنۇسىپوۆا.
ەسكە سالساق، WorldSkills Almaty 2023 كاسىبي شەبەرلىك چەمپيوناتىنىڭ باستى ماقساتى جۇمىسشى ماماندىقتارىنىڭ بەدەلىن ارتتىرۋ جانە شەبەرلىك داعدىلارىن دامىتۋ بولىپ تابىلادى. بايقاۋعا قاتىسۋشىلار كەلەسى قۇزىرەتتەر بويىنشا قالا كوللەدجدەرىنىڭ 21 الاڭىندا ب ا ق سىناستى:
- گرافيكالىق ديزاين،
- كىرپىش قالاۋ،
- قۇرعاق قۇرىلىس جانە سىلاق جۇمىستارى،
- سانتەحنيكا جانە جىلىتۋ،
- كەسكىندەمە جانە ساندىك جۇمىستار،
- بيزنەسكە ارنالعان IT شەشىمدەر،
- ساندىق باعدارلامالىق باسقارىلاتىن ستانوكتارداعى توكارلىق جۇمىستار،
- CAD ينجەنەرلىك گرافيكاسى،
- پروتوتيپتەۋ،
- توڭازىتقىش جانە جەلدەتۋ تەحنيكاسىنا قىزمەت كورسەتۋ،
- جەڭىل اۆتوموبيلدەردى جوندەۋ جانە قىزمەت كورسەتۋ جانە ت. ب.
بيىلعى جىلى چەمپيونات جەتى باعىت بويىنشا ءوتتى، ونىڭ ىشىندە ءبىلىم بەرۋ، ونەر جانە گۋمانيتارلىق عىلىمدار، اقپاراتتىق-كوممۋنيكاسيالىق تەحنولوگيالار، دەنساۋلىق ساقتاۋ جانە الەۋمەتتىك قامسىزداندىرۋ، ينجەنەرلىك، وڭدەۋ جانە قۇرىلىس سالالارى، قىزمەت كورسەتۋ سالاسى. كوللەدج ستۋدەنتتەرىنىڭ شەبەرلىگىن 500-دەن استام ساراپشى باعالادى. ەندى بايقاۋ جەڭىمپازدارى 2023 جىلعى 24 ماۋسىم مەن 26 ماۋسىم ارالىعىندا استانادا وتەتىن WorldSkills Kazakhstan 2023 رەسپۋبليكالىق چەمپيوناتىنا قاتىسادى.
جەڭىمپازدىڭ ءاربىر مەدالى كوللەدجگە ۇپاي جينايدى. بايقاۋ قورىتىندىسى بويىنشا الماتى مەملەكەتتىك پوليتەحنيكالىق كوللەدجى 74 بالل، الماتى قۇرىلىس-تەحنيكالىق كوللەدجى – 49 بالل، الماتى كوپسالالى كوللەدجى – 40 بالل، الماتى مەملەكەتتىك ەنەرگەتيكا جانە ەلەكتروندىق تەحنولوگيالار كوللەدجى – 30 بالل جانە ورتالىق ازيا تەحنيكالىق-ەكونوميكالىق كوللەدجى – 28 بالل جينادى.
اتاپ وتەرلىگى، ءىس-شارا «ساپالى ءبىلىم بەرۋ «ءبىلىمدى ۇلت» ۇلتتىق جوباسىن ىسكە اسىرۋ اياسىندا جانە WorldSkills International قۇزىرەتى بويىنشا WorldSkills Kazakhstan ۇلتتىق قوزعالىسىن قولداۋ ماقساتىندا ىسكە اسىرىلدى. بايقاۋعا الماتى قالاسى كوللەدجدەرىنىڭ ستۋدەنتتەرى، WSA چەمپيوناتىنىڭ باس ساراپشىلارى، WS الەۋمەتتىك سەرىكتەستەرى، الماتىنىڭ جۇمىس بەرۋشىلەرى قاتىستى