الماتىدا «ۆولوكولامسك تاس جولى» كىتابى كۋرسانتتارعا تارتۋ ەتىلدى.
ماقسات – بولاشاق اسكەريلەردى ۇلتتىق رۋحتا تاربيەلەۋ، دەيدى ۇيىمداستىرۋشىلار. شاراعا داڭقتى قولباسشى باۋىرجان مومىش ۇلىنىڭ كەلىنى زەينەپ احمەتوۆا قاتىستى، دەپ حابارلايدى Almaty-akshamy.kz
ونىڭ سوزىنشە، مومىش ۇلى سوعىس كەزىندە اعا لەيتەنانت شەنىنەن، باتالون، پولك، ودان پولكوۆنيك بولىپ، ديۆيزيانى باسقاردى. ارميا ۋستاۆىنا وزگەرىس ەنگىزىپ، ستراتەگيا مەن تاكتيكا سالاسىندا جاڭالىق اكەلدى. مۇنىڭ بارلىعى وتان قورعايتىن ازاماتتارعا اۋاداي قاجەت.
"ءوزى ومىردەن وتكەنىنە 30 جىلدان اسىپ كەتسە دە، ءالى كۇنگە دەيىن وزىنەن كەيىنگى ۇرپاعىنا، وكشەباسارلارى، بارلىعىنا ءوزىنىڭ ۇلگى-ونەگەسىن، قالدىرعان مۇراسىن تاراتىپ كەلە جاتىر. ەگەردە سول جاستارىمىزدىڭ بويىنا سىڭەتىن بولسا، وتانسۇيگىشتىك، حالقىن، ەلىن، جەرىن سۇيەتىن ازامات بولاتىنىنا مەن انىق سەنەمىن"، - دەيدى ب.مومىش ۇلىنىڭ كەلىنى زەينەپ احمەتوۆا.