الماتىدا VII ەۋرازيالىق مونوپولياعا قارسى فورۋم ءوتىپ جاتىر، دەپ حابارلايدى almaty-akshamy.kz قازاقپاراتقا سىلتەمە جاساپ.
فورۋمدى ۇيىمداستىرۋشىلار – قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگى مەن «باسەكەلەستىك ساياساتتى دامىتۋ جانە قورعاۋ ورتالىعى» اق.
فورۋم - ەۋرازيا قۇرلىعى اۋماعىنداعى ۇلتتىق جانە ترانسشەكارالىق نارىقتاردى مونوپولياعا قارسى رەتتەۋ ماسەلەلەرى بويىنشا مەملەكەتتىك ورگاندار، ساراپشىلار قوعامداستىعى جانە بيزنەس وكىلدەرىنىڭ ءوزارا پراكتيكالىق تاجىريبە مەن پىكىر الماسۋى ءۇشىن سالماقتى حالىقارالىق الاڭ.
VII فورۋمنىڭ نەگىزگى تاقىرىپتارى:
- تاۋار نارىقتارىنداعى باسەكەلەستىكتىڭ جاي-كۇيىن باعالاۋدىڭ جانە تەرگەۋ جۇرگىزۋدىڭ جاڭا تاسىلدەرى؛
- ترانسشەكارالىق نارىقتاردا باسەكەلەستىك بۇزىلعان جاعدايدا نارىق سۋبەكتىلەرىنىڭ ءوز قۇقىقتارى مەن مۇددەلەرىن قورعاۋ مۇمكىندىكتەرى؛
- باسەكەلەستەر اراسىنداعى داۋلاردى شەشۋ تاجىريبەسى؛
- نارىق سۋبەكتىلەرىنىڭ مۇددەلەرىن قورعاۋ پراكتيكالىق سۇراقتارى؛
- مونوپولياعا قارسى كومپلاەنس – مونوپولياعا قارسى تاۋەكەلدەردى تومەندەتۋدىڭ ءتيىمدى ءتاسىلى.